ಸತ್ಯವೆಂದಿಗು ಬೆಂಕಿ
ಸುಳ್ಳು ಬಲು ಸುಂದರಿಯು
ಅದಕೆ ಸುಳ್ಳಿಗೆ ಮನವ
ಸೋಲ್ವರೈ ಮಂದಿ !
ಸತ್ಯಾಗ್ನಿ ದಹಿಸಲಾ
ಗುಳಿವರೇನ್ ಸುಳ್ಳಿನೊಡ
ನಿರುವ ಪುರುಲೆಗಳೆಲ್ಲ
ಜಾಣಮೂರ್ಖ //
ಸತ್ಯವು ಬೆಂಕಿಯಿದ್ದ ಹಾಗೆ. ಯಾರೂ ಅದನ್ನು ತಡೆಯಲಾಗುವುದಿಲ್ಲ. ಆದರೆ ಸುಳ್ಳು ಬಲು ಸುಂದರಿ . ಅದಕ್ಕೇ ಮಿಥ್ಯಕ್ಕೆ ಎಲ್ಲರೂ ಸೋಲುತ್ತಾರೆ. ಸುಳ್ಳಿನ ಜೊತೆ ಪ್ರಪಂಚದಲ್ಲಿರುವ ಬಹಳಷ್ಟು ಜನರೇ ಇರಬಹುದು. ಆದರೆ ಸತ್ಯಾಗ್ನಿಯು ದಹಿಸಲು ಪ್ರಾರಂಭಿಸಿದರೆ ಸುಳ್ಳಿನ ಜೊತೆ ಇರುವವರಿಗೆ ಕ್ಷೇಮವಿಲ್ಲ. ತಾನು ಸತ್ಯವಂತನೆಂಬ ಮುಖವಾಡ ಹಾಕಿ ಬದುಕುತ್ತಿರುವವರೆಲ್ಲರೂ ಅದರಲ್ಲಿ ದಹಿಸಿ ಹೋಗಲೇ ಬೇಕು. ಬೂದಿ ಮುಚ್ಚಿದ ಕೆಂಡದಂತಿದೆ ಈ ಸತ್ಯ. ಒಂದು ದಿನ ಭೋರ್ಗರೆಯಲು ಪ್ರಾರಂಭಿಸಿದರೆ ಇದಕ್ಕೆ ಯಾರು ಎದಿರು ನಿಲ್ಲುವವರು !? ಈ ಸತ್ಯವು ಎಲ್ಲರಿಗೂ ಗೊತ್ತಿದ್ದರೂ ಸಹ ಸುಳ್ಳಿನಲ್ಲೇ ಬದುಕುತ್ತಿರುವವರಿಗೆ ಏನೆನ್ನಬೇಕು ? ಈ ಸತ್ಯವರಿತು ಬದುಕಿದರೆ ಎಲ್ಲರಿಗೂ ಕ್ಷೇಮ . ಏನಂತೀರಿ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
