ಪೊರಕೆವಿಡಿದಡಿಗಡಿಗೆ
ಮನೆಯೆಲ್ಲ ಗುಡಿಸಲೇಂ ?
ಮತ್ತದೇ ಕಸಬೀಳ್ವು
ದಿದು ಸಾಜಮಲ್ತೆ !?
ಪೊರಕೆ ಬೇಸರಿಪುದೇ
ನಡಿಗಡಿಗೆ ಗುಡಿಸಲ್ಕೆ ?
ಮನವ ಗುಡಿಸೇಳಂತೆ
ಜಾಣಮೂರ್ಖ //
ಪೊರಕೆಯನ್ನು ನಾವು ಕನಿಷ್ಟವೆಂದು ಭಾವಿಸಲಾಗದು. ಅದರಿಂದ ನಾವು ಕಲಿಯುವುದು ತುಂಬಾ ಇದೆ ಸ್ನೇಹಿತರೆ. ಅಡಿಗಡಿಗೆ ನಾವು ಮನೆಯ ಕಸವನ್ನು ಗುಡಿಸುತ್ತೇವೆ. ಸ್ವಚ್ಛಗೊಳಿಸುತ್ತೇವೆ. ಆದರೆ ಮತ್ತೆ ಮರುಕ್ಷಣವೇ ಕಸವಾಗುತ್ತದೆ. ಮತ್ತದೇ ಪೊರಕೆ ಹಿಡಿದು ಗುಡಸಿ ಕಸ ಕಳೆಯುತ್ತೇವೆ. ಆದರೇನಂತೆ ಮತ್ತದೇ ಕಸ. ಪೊರಕೆ ಬೇಸರ ಮಾಡಿಕೊಳ್ಳುತ್ತದೆಯೇನು ? ಹಾಗೆಯೇ ನಮ್ಮ ಮನಸ್ಸು ಕೂಡ. ಶುದ್ಧವಾಗೋದೂ ತಡವಿಲ್ಲ ! ಮಲಿನವಾಗೋದೂ ತಡವಿಲ್ಲ. ಪ್ರತಿ ಕ್ಷಣವೂ ಮನದ ಮಲಿನತೆಯನ್ನು ಕಳೆದು ಶುದ್ಧಿಗೈವ ಕಸಪರಕೆಯಂತಾಗಬೇಕು ನಮ್ಮ ವ್ಯಕ್ತಿತ್ವ. ಆದ ನಮ್ಮ ಅಂತರಂಗವು ನಿರ್ಮಲವಾಗಿರುತ್ತದೆ. ಏನಂತೀರಿ.
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
