ಹರಿವ ವಾಹಿನಿಯವೊಲು
ಸರಿಯುತಿಹುದೀ ಬಾಳು
ನಿಲದು ತಾನೆಲ್ಲು ತಿಳಿ
ನಿಲಲು ಮಲೆಯುವುದು !
ಮಲಯಲೇತಕೆ ನೂರು
ಬರಿಸಂಗಳಾಯುಷ್ಯ
ತಪವೆ ಪರಿತಪಿಪುದಕೆ
ಜಾಣಮೂರ್ಖ
ನಮ್ಮ ಜೀವನ ಒಂದು ಸುಂದರವಾದ ನದಿಯಂತೆ ಹರಿಯುತ್ತಲೇ ಇರಬೇಕು. ನದಿಎಲ್ಲಾದರೂ ನಿಲ್ಲುತ್ತದೆಯೇ ? ನಿಂತರೆ ಮಲೆಯುತ್ತದೆ. ನಮ್ಮ ಬದುಕೂ ಅಷ್ಟೆ. ನಿಂತರೆ ಮಲೆತು ದುರ್ಗಂಧ ಬೀರುತ್ತದೆ. ನಮ್ಮ ಬಗ್ಗೆ ನಮಗೇ ಅಸಹ್ಯ ತರಿಸುತ್ತದೆ. ಹೀಗೆ ಮಲೆತು ಅಸಹ್ಯವಾಗಿ ಬದುಕುವುದಕ್ಕಾಗಿ ಭಗವಂತನು ನಮಗೆ ನೂರು ವರ್ಷಗಳ ಆಯುಷ್ಯವನ್ನು ಕೊಟ್ಟನೇನು ? ಸ್ವಲ್ಪ ಸೂಕ್ಷ್ಮವಾಗಿ ಅವಲೋಕಿಸಿ. ಬದುಕಿನ ತುಂಬ ಪರಿತಾಪ ಪಡುವುದಕ್ಕಾಗಿ ನಾವು ಬದುಕನ್ನೇ ತಪಸ್ಸಿನಂತೆ ಕಳೆಯುತ್ತಿದ್ದೇವೆ. ನಿರಂತರ ಪ್ರಯತ್ನಗಳ ಫಲಶ್ರುತಿ ಮುಂದಿನ ದುಃಖದ ಹೇತುವಾದರೆ ಏನು ಫಲ ಹೇಳಿ ? ಈ ದುಃಖ ಸಂಪಾದನೆಗಾಗಿ ತಪಸ್ಸೆ ? ಅಜ್ಞಾನದ ಪರಮಾವಧಿಗೆ ಇದಕ್ಕಿಂತ ಸಾಕ್ಷಿ ಬೇಕೆ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
