ಬಯಸಲೇತಕೆ ಬರಿಯ
ದುಃಖಗಳ ಸರಮಾಲೆ
ಸಂತಸದ ಸಾಮ್ರಾಜ್ಯ
ಹೃದಯ ತುಂಬಿರಲು !
ಗುರಿಹಲಗೆಯೇನೆದೆಯು
ಸದೆ ಮನದ ಲೋಭಗಳ
ಸಾನಂದದಲಿ ಬದುಕೊ
ಜಾಣಮೂರ್ಖ //
ಇದೆಂತಹಾ ವಿಪರ್ಯಾಸವೆಂದರೆ ಈ ಭುವಿಗೆ ಸಂತೋಷವಾಗಿರಲು ಬಂದಿರುವ ನಾವು ಬರಿಯ ದುಃಖಗಳ ಸರಮಾಲೆಯನ್ನೇ ಬಯಸಿ , ಸೃಷ್ಟಿಸಿಕೊಂಡು ಅದರಲ್ಲೇ ನರಳುತ್ತೇವೆ. ಅನಂತ ಸಂತಸದ ಸಾಮ್ರಾಜ್ಯವು ನಮ್ಮ ಹೃದಯದಲ್ಲೇ ಇದೆ. ಆದರೂ ನಮ್ಮ ಹೃದಯವನ್ನು ನೋವೆಂಬ ಬಾಣಗಳಿಗೆ ತಾಗುವ ಗುರಿಹಲಗೆಯಾಗಿಸಿಕೊಳ್ಳುತ್ತೇವೆ. ಇರುಳು ಕಂಡ ಕೂಪಕ್ಕೆ ಹಗಲೇ ಬೀಳುತ್ತೇವೆ. ಮನಸ್ಸೇನು ಗುರಿಹಲಗೆಯೇ ? ಆಸೆಗೂ ಒಂದು ಮಿತಿಯಿರಬೇಕು. ಆನಂದ , ಶಾಂತಿ ನೆಮ್ಮದಿಗಳಿಂದ ಬದುಕಲು ಮನದ ಲೋಭಗಳನ್ನು ಸದೆಬಡಿಯಬೇಕು. ಆಗ ನೋಡಿ ಬದುಕು ಹೇಗಿರುತ್ತದೆ ಎಂದು ! ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
