ಭವ ಕಳೆವ ಶಿವ ಸತ್ಯ
ಭವದ ವ್ಯಾಪಾರದೊಳು ಚಿರಮಾವುದಿಲ್ಲಿ ಪೇಳ್
ಜವರಾಯನೈತರಲು ಒಬ್ಬಂಟಿ ನಾನು
ಅವನಮ್ಮವಿವನಮ್ಮವೆನುವುದೆಲ್ಲವು ಭ್ರಾಂತಿ
ಭವ ಕಳೆವ ಶಿವ ಸತ್ಯ ಜಾಣಮೂರ್ಖ//
ಈ ನಮ್ಮ ಬದುಕಲ್ಲಿ ಯಾವುದೂ ಚಿರವಲ್ಲ ! ಕೊನೆಗಾಲದಲ್ಲಿ ಜವರಾಯನು ನಮ್ಮಗಳ ನಡುವಣ ಬಾಂಧವ್ಯ ಎಂಥದೇ ಆಗಿರಲಿ ಕರೆದೊಯ್ವುದು ಮಾತ್ರ ಒಂಟಿಯಾಗಿಯೇ ! ಇದಂತೂ ಕಟುಸತ್ಯ. ಅವರು ನಮ್ಮವರು , ಇವರು ನಮ್ಮವರು , ನನ್ನ ಜೀವ , ನನ್ನ ಪ್ರಾಣ ಹೀಗೆಲ್ಲಾ ಹೇಳುವುದು ನಮ್ಮ ಭ್ರಮಾಧೀನ ಬದುಕಿನ ಭಾವುಕ ಮಾತುಗಳಷ್ಟೆ. ನಮ್ಮ ಬದುಕಿನಲ್ಲಿ ಕಾಣುತ್ತಿರುವುದು , ನಾವು ಮಾಡುತ್ತಿರುವುದು ಯಾವುದೂ ಚಿರವಲ್ಲ ! ಈ ಭ್ರಮಾಧೀನ ಬದುಕನ್ನು ಕಳೆದು ನೆಮ್ಮದಿಯನ್ನು ನೀಡಬಲ್ಲ ಶಿವನೊಬ್ಬನೇ ಸತ್ಯ ! ಸತ್ಯವೇ ಶಿವ ! ಸ್ವಲ್ಪ ವಿಚಾರ ಮಾಡಿ. ಕಡೆಗಿನ ನಮ್ಮ ಸ್ಥಿತಿ ಮೌನ ಅಷ್ಟೆ ! ಆಮೇಲೆ ಏನಿದ್ದರೂ ಎಲ್ಲವೂ ಅಷ್ಟೆ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
