ಗುರುಪಥ
ಸುರುಗಿಲ್ಲದೆಡೆಯಲ್ಲಿ ಉರಿಯು ರಾಚೀತೆಂತು?
ಉರುವಲಾಗದೆ ಬಾಳೆ ಉರಿಯ ಕಾವೆಂತು?
ಅರಿವ ನೀರಡಿಸೇಳು ಉರಿಯನಾರಿಸಿ ಬಾಳು
ಗುರುಪಥದಿ ಬದುಕೇಳು ಜಾಣಮೂರ್ಖ//
ಉರುವಲು ಇರುವ ಕಡೆಯಲ್ಲಿ ಬೆಂಕಿ ರಾಚುತ್ತದೆ. ಉರುವಲೇ ಇಲ್ಲದಿದ್ದರೆ ! ಬೆಂಕಿ ನಂದಿ ಹೋಗುತ್ತದೆ ತಾನೆ !? ಮನದ ಬೆಂಕಿಗೆ ನೀನು ಉರುವಲಾಗಬೇಡಯ್ಯಾ ಗೆಳೆಯ. ಉರಿಯಿಂದಾದ ಗಾಯ ಮಾದೀತು. ಮನದ ಉರಿ ಮಾಯದು. ನಾವು ಅದಕ್ಕೆ ಉರುವಲಾಗದೇ ಇದ್ದರೆ ನಮಗೆ ಉರಿಯ ಕಾವು ತಟ್ಟುವುದಾದರೂ ಎಂತು !? ಅದಕ್ಕೆ ಮನದ ಉರಿಗೆ ಅರಿವಿನ ನೀರ ಹಾಕಿ ಆರಿಸೇಳಪ್ಪ ಗೆಳೆಯ. ಗುರುಪಥವೇ ಶಿವಪಥವು , ಅರಿವಿನ ಪಥವು. ಆ ಜಾಡುಗುಂಟ ಸಾಗೇಳು. ಮೋಕ್ಷದ ದಾರಿ ತಾನಾಗೇ ಸಿಗುತ್ತದೆ. ಗುರುಪಥವು ಈ ಬಾಳ ಉರಿಯನ್ನು ಕ್ಷಣಮಾತ್ರದಲ್ಲಿ ಅರಿಸಬಲ್ಲ ಏಕೈಕ ಸಾಧನ. ಮರೆಯದಿರಯ್ಯ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
