ನೆಪಮೆಲ್ಲಮಿಲ್ಲಿ

ನಾ ಮನೆಯ ಕಟ್ಟಿದೆನು ನಾನುಜ್ಜುಗಂಬಡೆದೆ
ನಾ ಮಾಡಿದೀ ಕಜ್ಜಮಿದುಮೆನ್ನ ಆಸ್ತಿ
ನಾ ಮಾಡಿದೆಲ್ಲಮೆಂಬೀ ಬೆಮೆಯೊಳಾಡದಿರು
ನೀಮೊಂದು ನೆಪಮಿಲ್ಲಿ ಜಾಣಮೂರ್ಖ//

ನಾನು ಮನೆ ಕಟ್ಟಿದೆ ! ನನಗೊಂದು ಕೆಲಸ ಸಿಕ್ಕಿದೆ ! ಈ ಕೆಲಸ ನಾನು ಮಾಡಿದ್ದು ! ಇದು ನನ್ನ ಆಸ್ತಿ ಹೀಗೆಲ್ಲಾ ನಾನು , ನನ್ನದು ಎಂದೆಲ್ಲಾ ಬೀಗು ಈ ಮನೋಭಾವ ಇದೆಯಲ್ಲಾ ಇದೊಂದು ದೊಡ್ಡ ಭ್ರಮೆ. ಬದುಕಬೇಕಲ್ಲಾ ! ಅದಕ್ಕೆ ಎಲ್ಲರೂ ಏನಾದರೊಂದು ಉದ್ಯೋಗ ಮಾಡುತ್ತಲೇ ಇರುತ್ತಾರೆ ಅದರಲ್ಲರೆನೂ ವಿಶೇಷವಿಲ್ಲ ಬಿಡಿ. ಮತ್ತೆ ಮನೆ ವಿಷಯಕ್ಕೆ ಬಂದರೆ ಎಲ್ಲರಿಗೂ ಅವರವರದ್ದೇ ಆದ ಮನೆ ಇದ್ದೇ ಇರುತ್ತೆ. ರಕ್ಷಣೆಯ ಸಲುವಾಗಿ ಒಂದು ಗುಡಿಸಲಾದರೂ ಇದ್ದೇ ಇರುತ್ತದೆ. ಮತ್ತೆ ಆಸ್ತಿ ವಿಷಯಕ್ಕೆ ಬಂದರೆ ಯಾವುದೂ ಯಾರ ಆಸ್ತಿಯೂ ಅಲ್ಲ. ಒಂದು ದಿನ ಬಿಟ್ಟು ಹೋಗಲೇಬೇಕಲ್ಲವೆ !? ಇಲ್ಲಿರುವ ವರೆಗೂ ಮಾಡಿಕೊಂಡಿರುವ ಒಂದು ತಾತ್ಕಾಲಿಕ ವ್ಯವಸ್ಥೆ ಇದು ಅಷ್ಟೆ ಇದು. ಅಂತೆಯೇ ಇದೊಂದು ದೊಡ್ಡ ಭ್ರಮೆ ಕೂಡ! ಭ್ರಮೆಯೆಂದು ತಿಳಿದಿದ್ದರೂ ಸಹ ಮತ್ತೆ ಮತ್ತೆ ಅದೇ ಭ್ರಮೆಯಲ್ಲಿ ಬಿದ್ದು ಸಾಗುತ್ತಿರುವುದೊಂದು ದೊಡ್ಡ ವಿಪರ್ಯಾಸ ಅಲ್ಲವೇ ಗೆಳೆಯರೇ !?

Author
Recent Posts

ಶ್ರೀ ಮುರಳೀಧರ ಹೆಚ್ ಆರ್

ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.

Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)