ಗೊಜ್ಜು ರೊಟ್ಟಿ
ಒಬ್ಬನೊಳಗಿರದೆಲ್ಲ ಉಬ್ಬುಬ್ಬಿ ಹೋಗದಿರು
ಒಬ್ಬನೊಳು ರೊಟ್ಟಿ ಮೇಣೊಬ್ಬನಲಿ ಗೊಜ್ಜು!
ಬೊಬ್ಬಿರಿಯುತಿಹುದು ಜಗ ರೊಟ್ಟಿಗೊಜ್ಜಿಂಗಳ್ಕಿ
ಒಬ್ಬನೆಂದಿಗು ಒಬ್ಬ ಜಾಣಮೂರ್ಖ//
ಈ ಜಗತ್ತಿನಲ್ಲಿ ಎಲ್ಲವೂ ಒಬ್ಬನಲ್ಲೇ ಇರುವುದಿಲ್ಲ. ಒಬ್ಬೊಬ್ಬರಿಗೆ ಒಂದೊಂದನ್ನು ಕೊಟ್ಟ ದೈವವು ಅವನ ವಸ್ತುವಿನ ಮೇಲೆ ಇವನಿಗೆ ಇವನ ವಸ್ತುವಿನ ಮೇಲೆ ತುಂಬಾ ಆಸೆಯನ್ನಿಟ್ಟಿರುತ್ತಾನೆ ! ಎಂತಹಾ ಸೋಜಿಗವಲ್ಲವೆ ? ಒಬ್ಬನ ಬಳಿ ರೊಟ್ಟಿಯಿದ್ದರೆ ಮತ್ತೊಬ್ಬನ ಬಳಿ ಗೊಜ್ಜು !ರೊಟ್ಟಿಗನಿಗೆ ಗೊಜ್ಜಿನ ಮೇಲೆ ಕಣ್ಣು ! ಗೊಜ್ಜಿಗನಿಗೆ ರೊಟ್ಟಿಯ ಮೇಲೆ ಕಣ್ಣು ! ಆದರೆ ಅವುಗಳನ್ನು ಹಿಡಿದುಕೊಂಡಿರುವವರು ಮಾತ್ರ ಎಂದೆಂದಿಗೂ ಒಬ್ಬರೇ ! ಎಲ್ಲರ ಸ್ಥಿತಿಯೂ ಇಷ್ಟೇನೇ ಆದರೂ ಮಾಯಾ ಪ್ರಪಂಚದ ಬೊಬ್ಬಿರಿಯುವಿಕೆಯಲ್ಲಿ ಒಬ್ಬನು ಇನ್ನೊಬ್ಬನಲ್ಲಿ ಅಡಗಿರುವ ಪ್ರೀತಿಯನ್ನು , ದೈವತ್ವವನ್ನು ನೋಡುತ್ತಲೇ ಇಲ್ಲ! ಬರೀ ಗೊಜ್ಜು ರೊಟ್ಟಿಯನ್ನಷ್ಟೇ ನೋಡುತ್ತಾ , ಅದಕ್ಕಾಗಿ ಹಪಹಪಿಸುತ್ತಾ ಬದುಕನ್ನು ದೂಡುತ್ತಿರುವುದು ಎಷ್ಟು ವಿಪರ್ಯಾಸವಲ್ಲವೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
