ಡಿಂಭ ಚೈತನ್ಯವರಿ
ಕುಂಭದೊಳಗಾಕಾಶ ತುಂಬಲಳವೇಂ ಪೇಳು
ಅಂಬುಧಿಗೆ ಶರ್ಕರವನೊಯ್ದು ಸಿಹಿಗಯ್ವರೇಂ
ಹುಂಬ ಮನದೊಡೆ ಸೇರಿ ಸುಖವನರಸೀಯೆಂತು
ಡಿಂಭ ಚೈತನ್ಯವರಿ ಜಾಣಮೂರ್ಖ//
ಪಂಚಭೂತಗಳಲ್ಲೊಂದಾದ ಆಕಾಶವನ್ನು ಅಳೆದು ಪಾತ್ರೆಯಲ್ಲಿ ತುಂಬಲು ಸಾಧ್ಯವೆ? ಸಾಗರಕ್ಕೆ ಸಕ್ಕರೆ ಸುರಿದು ಸಿಹಿನೀರನ್ನಾಗಿ ಪರಿವರ್ತಿಸಲು ಆಗುತ್ತದೆಯೇ ? ಅಂತೆಯೇ ಈ ಚಂಚಲವಾದ ಮೂರ್ಖ ಮನಸ್ಸಿನ ಅಣತಿಯಂತೆ ಕುಣಿದು ಸುಖವನ್ನು ಪಡೆಯಲಾದೀತೆ ? ನಮ್ಮಲ್ಲಿ ಹಣ ಕೊಟ್ಟರೆ ಸುಖದ ಸಾಧನಗಳು ಸಿಕ್ಕುತ್ತವೆಯೇ ಸುಖ ಸಿಗುತ್ತದೆಯೇ ? ಈ ಎಲ್ಲಾ ಅರಿವನ್ನು ಅನುಭವಿಸಿ ಘನನಾಗಬೇಕು. ದಿವ್ಯ ಚೈತನ್ಯದ ಶಕ್ತಿ , ಮಹತ್ತು , ಬೃಹತ್ತುಗಳನ್ನು ಅರಿಯಬೇಕು. ಶಬ್ದರಾಹಿತ್ಯರಾಗಿ ಮೌನಿಗಳಾಗಬೇಕು. ನಂತರದ ಸ್ಥಿತಿ ಮಹೋನ್ನತವಾದದ್ದೇ ಆಗಿರುತ್ತದೆ. ಅಲ್ಲವೇ ಗೆಳೆಯರೇ?!
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
