ಜೀವಕೆಂತಹ ಸಾವು !
ಸಾವು ಕಾಯುವುದೇನು ಜೀವ ಬರಲೆನ್ನುತಲಿ?
ನಾವೆ ಸಾವಿಗೆ ಕಾಯ್ವ! ದೇವ ಬರಲೆಂದು
ಜಾವ ತೀರುವ ಮುನ್ನ ಜಾಗೃತಿಯ ಪಡೆವ ಬಾ
ಜೀವಕೆಂತಹ ಸಾವೊ ಜಾಣಮೂರ್ಖ//
ನಾವು ಸಾವನ್ನು ಕಾಯುತ್ತಿರಬೇಕೇ ಹೊರತು ಸಾವು ನಮ್ಮನ್ನು ಕಾಯುವಂತಾಗಬಾರದು ! ಅದು ಕಾಯುವುದೂ ಇಲ್ಲ ಬಿಡಿ. ಸಾವ ಕೊನೆಯ ಗಳಿಗೆಯಲ್ಲಿಯೂ ಅಯ್ಯೋ ತೋಟಕ್ಕೆ ಮಣ್ಣು ಹೇರಿಸಲಿಲ್ಲ! ನೀರು ಹಾಯಿಸಲಿಲ್ಲ ! ಹೊಸಮನೆಯ ಕಟ್ಟಲೇ ಇಲ್ಲ ! ಎಂಬಿತ್ಯಾದಿ ಚಿಂತೆಗಳಲ್ಲೇ ಇದ್ದರೆ ಇವನ ಈ ಕಾರ್ಯಗಳೆಲ್ಲಾ ಮುಗಿಯಲೆಂದು ಸಾವು ಕಾಯೋದಿಲ್ಲ. ಅದಕ್ಕೆ ಬಂದ ಕಾರ್ಯ , ಕರ್ತವ್ಯಗಳನ್ನು ಮೊದಲು ಮುಗಿಸಬೇಕು. ನಮ್ಮ ಸರದಿ ಬರುವ ಮುನ್ನ ಜಾಗೃತರಾಗಬೇಕು. ಸಾವು ದೇಹಕ್ಕೆ ಮಾತ್ರ. ಆತ್ಮಕ್ಕಲ್ಲ ಎಂಬ ತತ್ತ್ವವನ್ನು ಅರಿತು ನಾವೇ ನಮ್ಮ ಅವಶ್ಯ ಕರ್ತವ್ಯಗಳನ್ನು ಮುಗಿಸಿ ಸಾವಿಗಾಗಿ ಎದಿರು ನೋಡುವಂತಾಗಬೇಕೇ ಹೊರತು ಅಪೂರ್ಣತೆಯ ಬದುಕು ನಮ್ಮದಾಗಬಾರದು. ಈ ಎಚ್ಚರಿಕೆಯಿಂದ ಬದುಕಬೇಕು. ” ಶರಣರ ಸಾವನ್ನು ಮರಣದಲ್ಲಿ ನೋಡು ” ಎಂಬ ಮಾತು ಅದೆಷ್ಟು ಸತ್ಯ ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
