ಅವಶ್ಯಂ ಅನುಭೋಕ್ತವ್ಯಂ
ಕಷ್ಟಕುಂ ಇಷ್ಟಕುಂ ಎಷ್ಟೆರೆದರೇಂ ತೀರ
ದಿಷ್ಟು ಶಿಷ್ಟತ್ವ ಬರದೆಂತದಿದು ಮನಸು !
ಇಷ್ಟಕ್ಕೆ ಸೋತು ನೀ ಭ್ರಷ್ಠತನದೊಳು ಬದುಕೆ
ನಷ್ಟವೇನೈ ವಿಧಿಗೆ ಜಾಣಮೂರ್ಖ//
ಈ ಬದುಕಿನಲ್ಲಿ ಕಷ್ಟಗಳಿಗೆ ಕೊನೆಯಿಲ್ಲ ! ಹಾಗೆಯೇ ಮನದ ಇಷ್ಟಗಳಿಗೂ ಕೊನೆಯಿಲ್ಲ. ಎಷ್ಟೆಷ್ಟು ಕಷ್ಟಪಟ್ಟರೇನಂತೆ ಮನದ ಆಸೆಗಳಿಗಂತೂ ಕೊನೆಯೇ ಇಲ್ಲ. ಬಯಸಿದ್ದು ಸಿಕ್ಕ ಮೇಲೆ ಮತ್ತೊಂದರ ಬಯಕೆ ! ಅದು ಸಿಕ್ಕ ಮೇಲೆ ಇನ್ನೊಂದು ! ಇದರ ಈಡೇರಿಕೆಗಾಗಿ ಎಂತಹಾ ಭ್ರಷ್ಠಾಚಾರವೆಸಗಲೂ ಸಹ ಹಿಂಜರಿಯದು ಈ ಮನಸ್ಸು( ಈ ಮನುಷ್ಯ) ! ಇದರಿಂದ ವಿಧಿಗಾವ ನಷ್ಟವೂ ಇಲ್ಲ ! ಅವರವರ ಕರ್ಮ ಬುತ್ತಿ ಅವರದ್ದು. ಮನಸ್ಸಿನ ದಾಸರಾದರೆ ಆಗುವುದೇ ಹೀಗೆ. ಅದು ಮಾಡಬಾರದ್ದನ್ನು ಮಾಡಿಸುತ್ತೆ ! ಆಗ ಆಗಬಾರದ್ದು ಆಗುತ್ತೆ ಅಷ್ಟೆ ! ಸತ್ಕರ್ಮವೋ, ದುಷ್ಕರ್ಮವೋ , ಪಾಪವೋ , ಪುಣ್ಯವೋ ತೀರ್ಮಾನ ನಿಮ್ಮದೇ ಆಗಿರುತ್ತದೆ. ಅವಶ್ಯಂ ಅನುಭೋಕ್ತವ್ಯಂ ! ಅಲ್ಲವೇ ಸ್ನೇಹಿತರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
