ಸಂಕಲ್ಪ
ನೇಗಿಲನು ಪಿಡಿದು ಬೇಸಾಯ ಗೈವುದುಮೆಂದು
ಸೋಗು ಹಾಕಿದೊಡಾಯ್ತೆ ಸಾಗೀತೆ ಬದುಕು
ಸಾಗುವುದೆ ಸಂಕಲ್ಪಗಳ ಸಾರೆ ಬಾಹ್ಯದೊಳು
ಮೇಗಾಯ್ತೆ ಸೋಗಿನಿಂ ಜಾಣಮೂರ್ಖ//
ನಾನು ಬೇಸಾಯ ಮಾಡುತ್ತೇನೆ, ಬೆಳೆ ತೆಗೆಯುತ್ತೇನೆಂಬ ಕೇವಲ ಸಂಕಲ್ಪ ಮಾತ್ರದಿಂದ ಏನೂ ಕಾರ್ಯಸಾಧನೆಯಾಗದು. ಅದು ಮನಸ್ಸಿನಲ್ಲಿ ಮೂಡಬೇಕು. ಬರೀ ಸೋಗು ಹಾಕಿದರಾಯ್ತೆ ? ಇವತ್ತು ಬಹಳಷ್ಟು ಕಾರ್ಯಗಳು ಹೀಗೇನೆ ! ಅಚ್ಚರಿಯಾಗುತ್ತಿದೆಯೇ !? ಅದರೆ ಇದೇ ಸತ್ಯವು. ಕಾರ್ಯಕ್ಷೇತ್ರ ಯಾವುದೇ ಇರಲಿ. ಮೊದಲು ಸಂಕಲ್ಪಿಸಿ ಅಖಾಡಕ್ಕಿಳಿಯಬೇಕು. ತನಗೆ ಗೆಲುವು ಕಟ್ಟಿಟ್ಟ ಬುತ್ತಿಯೆಂಬ ನಂಬಿಕೆಯಿಂದ ದುಡಿಯಬೇಕು. ಪ್ರಯತ್ನ ಪಟ್ಟರೆ ಯಾವುದೂ ಅಸಾಧ್ಯವಲ್ಲ. ಆದರೆ ಕೇವಲ ಸಂಕಲ್ಪ ಮಾತ್ರದಿಂದ ಕಾರ್ಯಸಾಧನೆ ಖಂಡಿತ ಸಾಧ್ಯವಿಲ್ಲ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
