ಕಟ್ಟಿಕೊಂಡುದೆ ಬುತ್ತಿ
ಉಟ್ಟ ಬಟ್ಟೆಯ ಕಿಸೆಯೊಳಿರ್ದುದನು ಬಿಡುವರೇ
ನಿಟ್ಟುದೇನಿದೆಯೊ ಮಣ್ಣಾದಿಯನು ಬಿಡದೆ
ಬಿಟ್ಟು ಪೋಗೆವು ಏನ ಒಯ್ವುದದು ದಿಟಕೇಳು
ಕಟ್ಟಿಕೊಂಡುದೆ ಬುತ್ತಿ ಜಾಣಮೂರ್ಖ//
ಸ್ನೇಹಿತರೇ ನಾವು ಬಟ್ಟೆ ಒಗೆಯುವಾಗ ಕೊಳೆಯಾದ ಉಟ್ಟಬಟ್ಟೆಯ ಕಿಸೆಯಲ್ಲಿರುವುದನ್ನು ತೆಗೆದಿಟ್ಟುಕೊಳ್ಳುತ್ತೇವೆ ತಾನೆ? ಮಣ್ಣಿನ ಕಣವೂ ಇರದ ಹಾಗೆ ಕೊಡವಿ ತೆಗೆಯುತ್ತೇವೆ. ಹಾಗೆಯೇ ನಾವು ಕಟ್ಟಿಕೊಂಡ ಪಾಪ ಪುಣ್ಯಗಳು. ಒಂದು ಚೂರೂ ಬಿಡದಂತೆ ಒಯ್ಯುವುದು ಸತ್ಯ. ಅದೇ ನಮ್ಮ ಬುತ್ತಿ. ಸಂಚಿತ ಕರ್ಮಗಳು ಬೆಂಬಿಡದೆ ನಮ್ಮೊಡನೆ ಬರುತ್ತವೆ. ಅದಕ್ಕೇ ಸತ್ಕಾರ್ಯ , ಸತ್ಕರ್ಮಗಳನ್ನೆಸಗಿ ದೈವತ್ವವನ್ನು ಉಪಾರ್ಜಿಸಿಕೊಳ್ಳಬೇಕಾದ ಅಗತ್ಯವಿದೆ. ಅಲ್ಲವೇ ಗೆಳೆಯರೇ?!
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
