ಭಯ-ಅಭಯ
ಇರುವೆಯಿಂದಿಂದ್ರಾದಿ ದೇವಂಗು ಭಯವಂತೆ
ಮರಣಭಯ ಮಾಯೆಭಯ ಕರ್ಮಭಯಮಿಹುದು
ಶರಣೆಂಬ ಭಾವದೊಳು ನಾನೆಂಬ ಗರ್ವಭಯ
ಗುರುದಾಸಗಿರದೊ ಭಯ ಜಾಣಮೂರ್ಖ//
ಸ್ನೇಹಿತರೇ , ಒಮ್ಮೆ ಸೂಕ್ಷ್ಮವಾಗಿ ಗಮನಿಸಿ ಇರುವೆಯಿಂದ ಇಂದ್ರಾದಿ ದೇವತೆಗಳಿಗೂ ಭಯ ತಪ್ಪಿದ್ದಲ್ಲ. ಅವರಿಗೂ ಮರಣದ ಭಯವಿದೆ ! ಮಾಯೆಯ ಭಯವಿದೆ! ಕರ್ಮದ ಭಯವಿದೆ ! ತಾನೆಸಗುವ ಕರ್ಮಾಚರಣೆಯಲ್ಲಿ ಲೋಪವಾಗುವ , ಆಗಿರುವ ಭಯ ! ಶರಣೆಂಬ ಭಾವದಲ್ಲೂ ನಾನೆಂಬ ಗರ್ವದ ಉಪಟಳದ ಭಯವಿದೆ. ಎಷ್ಟೋ ಜನ ಮಹಾನ್ ದೈವ ಭಕ್ತರಿಗೂ ಈ ಗರ್ವವು ಆವರಿಸಿದ್ದುಂಟು ! ಇದರಿಂದ ಅವರು ನಾನಾ ಅವಸ್ಥೆಗಳನ್ನು ಪಟ್ಟುದುಂಟು ! ಹೌದು ತಾನೆ !? ಆದರೆ ಗುರುವಿನ ಚರಣದಾಸನಿಗೆ ಯಾವ ಭಯವೂ ಇರದು. ಎಲ್ಲವನ್ನೂ ಗುರುವೇ ನೋಡಿಕೊಳ್ಳುತ್ತಾನೆ . ಅದರೆ ಸಮರ್ಪಣಾ ಭಾವವಿರಬೇಕು. ಕುಟಿಲ ತಂತ್ರಗಳಿರಬಾರದು ! ಅಷ್ಟೆ. ಸತ್ಯದೆದಿರು ಮುಖವಾಡ ಬಾಲಿಶವಲ್ಲವೆ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
