ಕಳ್ಗುಡಿದ ಪಾಂಗಿನೊಲು
ಕಳ್ಳರಿಹರೆಂಟು ಜನ ಕೊಳ್ಳೆ ಹೊಡೆವರೊ ನಿನ್ನ
ಸುಳ್ಳರಾರೈವರಿವರೀಸೀಳೊ ಕೆಳೆಯ
ಮಳ್ಳನಂದದಿಯವರೊಳಾಡಿ ಪೋಗದೆ ನಿಲ್ಲು
ಕಳ್ಗುಡಿದ ಪಾಂಗಿನೊಲು ಜಾಣಮೂರ್ಖ//
ನಮ್ಮೊಳಗಿದ್ದಾರೆ ಎಂಟು ಜನ ಕಳ್ಳರು ! ಸುಳ್ಳರು ಆರು ಜನರಿದ್ದಾರೆ ! ಇವರ ಜೊತೆ ಮತ್ತೆ ಐವರು ಸೇರಿದ್ದಾರೆ ಇವರನ್ನೆಲ್ಲಾ ಸಂಬಾಳಿಸಿ , ಗೆದ್ದು ಮುಂದೆ ಸಾಗಬೇಕೇ ಹೊರತು ಮಳ್ಳ(ಕಳ್ಳಬೆಕ್ಕು)ನ ಹಾಗೆ ಅವರೊಡನೆಯೇ , ಅವರಂತೆಯೇ ಇದ್ದುಕೊಂಡು ಹೋಗಬಾರದಯ್ಯ ಗೆಳೆಯ ! ಕಳ್ಗುಡಿದವರು ದಾರಿ ತಿಳಿಯದೆ ಸಿಕ್ಕ ಆಧಾರವೊಬ್ಬರ ಕೈಹಿಡಿದು ಸಭ್ಯನಂತೆ ಸೋಗು ಹಾಕುತ್ತಾ ಸಾಗುವಂತೆ ನಾವು ಸಾಗುವುದು ಬೇಡ. ಈ ಕಳ್ಳರನ್ನೂ , ಸುಳ್ಳರನ್ನೂ ಹಿಡಿದು ಕಟ್ಟಿ ಆತ್ಮೋದ್ಧಾರಗೈವ ಶಕ್ತಿ ನಮ್ಮಲ್ಲೇ ಇರುವಾಗ ಮೂರ್ಖರಂತೆ ವರ್ತಿಸುತ್ತಿರುವುದಾದರೂ ಏಕೆ !? ಸ್ವಲ್ಪ ಯೋಚಿಸಲೇ ಬೇಕು ! ಅಲ್ಲವೇ ಗೆಳೆಯರೇ?!
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
