ಗುಳ್ಳೆನರಿಯಾಟ ಬಿಡೊ
ಎಳ್ಳಿನೊಳಗೆಣ್ಣೆಯೊಲು ಕಲ್ಲಿನೊಳ ಬೆಂಕಿಯೊಲು
ಸುಳ್ಳಿನೊಳಗಡಗಿರುವ ಸತ್ಯದೊಲು ದೈವ
ಉಳ್ಳೆವೈ ದೇಹದೊಳೆ ದೈವದಾವಾಸವರಿ
ಗುಳ್ಳೆನರಿಯಾಟ ಬಿಡೊ ಜಾಣಮೂರ್ಖ//
ಎಳ್ಳಿನಲ್ಲಿ ಎಣ್ಣೆಯಿರುವಂತೆ , ಕಲ್ಲಿನಲ್ಲಿ ಬೆಂಕಿ ಇರುವಂತೆ ಹಾಗೆಯೇ ಸುಳ್ಳಿನೊಳಗೇ ಇರುವ ಸತ್ಯದಂತೆ ಸೂಕ್ಷ್ಮರೂಪಿನಿಂದ ಭಗವಂತನಿದ್ದಾನೆ. ನಮ್ಮಲ್ಲೇ ಇದ್ದಾನಾದರೂ ನೋಡುವವರ , ನಲಿಯುವವರ ಸಂಖ್ಯೆ ಮಾತ್ರ ಬಹು ವಿರಳ ! ಗುಡಿ , ಚರ್ಚು ಮಸೀದಿಗಳಲ್ಲಿ ಹುಡುಕುತ್ತೇವೆ ಅಜ್ಞಾನದಿಂದ. ಅದು ಅಜ್ಞಾನವೆಂದು ತಿಳಿದಿದ್ದರೂ ಅದೇ ಸರಿಯೆಂಬಂತೆ ವರ್ತಿಸುತ್ತೇವೆ ಅಜ್ಞಾನದಿಂದ ! ಸತ್ಯವರಿತರೂ ಸಹ ಮಾನವರಾದ ನಾವು ಗುಳ್ಳೆನರಿಯಂತಾಡುತ್ತಾ ಕಾಲಹಾಕುತ್ತಿದ್ದೇವೆ. ಕಾಲನೈದುವ ಮುನ್ನ ಬರೀ ಕಾಲ ಹಾಕದೇ ಸತ್ಯವನ್ನರಿತು ಮುಕ್ತರಾಗಬೇಕಿದೆ. ಅಲ್ಲವೇ ಗೆಳೆಯರೇ ?!
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
