ನಶೆ
ಸೆರೆಗುಡುಕಗಿಹುದು ನಶೆ ಕುಡಿಯದವಗೂ ನಶೆಯೆ?
ಇರಲಿ ಭಕ್ತಿಯ ನಶೆಯು ನಶೆಯ ನಾಟಕವೆ?
ಸಿರಿಯ ನಶೆಯಹಮ ನಶೆ ಧರೆ ತನ್ನದೆಂಬ ನಶೆ
ಪೊರೆದವನ ಮರೆಯದಿರೊ ಜಾಣಮೂರ್ಖ//
ಸಾಮಾನ್ಯವಾಗಿ ಕುಡಿದವರಿಗೆ ನಶೆ ಇರುತ್ತದೆ. ಆದರೆ ಈ ಜಗತ್ತಿನಲ್ಲಿ ಕುಡಿಯದವರೂ ಸಹ ನಶೆಯಿದೆ. ಭಕ್ತ ಕುಂಬಾರನದು ಭಕ್ತಿಯ ನಶೆ ! ಅದು ಆರೋಗ್ಯಕರ ನಶೆ. ಇರಲಿ ಬಿಡಿ. ಆದರೆ ರಾವಣನ ನಶೆ ! ದುರ್ಯೋಧನನ ನಶೆ ! ಅವರಿಗಿದ್ದುದು ಅಷ್ಟಮದಗಳ ನಶೆ. ಅಧಿಕಾರ ನಶೆ ! ಅಹಂಕಾರದ ನಶೆ ! ಇದಕ್ಕೆ ಸೆರೆ ಕುಡಿಯಲೇ ಬೇಕೆಂದಿಲ್ಲ ! ಒಂತರ ನಶೆಯ ನಾಟಕ ಅದು. ಅದೇನಾದರೂ ಇರಲಿ. ಇಡೀ ಜಗತ್ತನ್ನೇ ಪೊರೆಯುತ್ತಿರುವ ದಿವ್ಯ ಶಕ್ತಿಯನ್ನು ಮರೆತು ಈ ನಶೆಯ ಧೋರಣೆ ತೋರಿಸುವುದು ಸರಿಯೇ !? ಅದಕ್ಕೇ ಈ ರೀತಿ ಯುಗಾಂತ್ಯವೋ ಏನೋ ! ಸಾತ್ವಿಕವಾದ ನಶೆ ಎಲ್ಲರಲ್ಲೂ ಆವರಿಸಬೇಕಾದ ಅಗತ್ಯವಿದೆ ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
