ಒಳವ್ಯಾಪಾರ
ಹೊರಗಿನೀ ವ್ಯಾಪಾರ ಮೋಹವನು ಕಳಚೊಮ್ಮೆ
ಸಿರಿಯಾಡುತಲಿ ಕಾಣು ಒಳಗಿನಾ ಬಯಲ
ಗುರಿಯಿರದೆ ಹರಿದು ನದಿ ಸಾಗರವ ಸೇರ್ವಂತೆ
ಹರಿ ಮೋಕ್ಷ ಕಡಲೆಡೆಗೆ ಜಾಣಮೂರ್ಖ //
ಹೊರಬದುಕಿನ ನಮ್ಮ ಮನೋವ್ಯಾಪಾರವನ್ನು ಬದಿಗಿಟ್ಟು ಒಳಗೆ ವಿಹರಿಸಬೇಕು. ಆ ಆಂತರ್ಯದ ಓಡಾಟ ಬಹುಚಂದ ! ಅದು ಅಲ್ಲಿ ನಡೆಯಲು ಬರುವವರಿಗೆ ಮಾತ್ರ. ಬಂದವರು ಸಿರಿಯಾಡುತ್ತಾರೆ. ಅಂತರ್ಜೀವಿಗಳಾಗಿಬಿಡುತ್ತಾರೆ. ಲೌಕಿಕದ ಹೊರವ್ಯಾಪಾರ ಅವರಿಗೆ ರುಚಿಸದು ! ಹರಿವ ನದಿ ಗೊತ್ತು ಗುರಿ ಇರದೆ ಶಾಂತವಾಗಿ ಹರಿದು , ಜಲಪಾತವಾಗಿ ಭೋರ್ಗರೆದು ಸಾಗರವ ಸೇರಿ ಧನ್ಯತೆಯ ಪಡೆವಂತೆ ಬದುಕಿನ ನಾನಾ ಅವಸ್ಥೆಗಳನ್ನು ಶಾಂತರೀತಿಯಲ್ಲಿ ಸ್ವೀಕರಿಸಿ ನಾವೂ ಸಹ ಮೋಕ್ಷ ಸಾಗರವನ್ನು ಸೇರಿ ಧನ್ಯರಾಗಬೇಕು, ಕೃತಾರ್ಥರಾಗಬೇಕು. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
