ಏಳು ಬೀಳಿನ
ಏರು ಪೇರಿನ
ಜೀವನ ಪಯಣದಿ
ಹುಡುಕುತಿರುವೆ
ನಾ
ಸ್ಪೂರ್ತಿಯಾ!
ಸಮುದ್ರ ತರಂಗಗಳ
ಏರಿಳಿತವ
ಸಹಿಸಿ ನಡೆವ
ನಾವಿಕನ
ಪಂಥಾಹ್ವಾನೆ
ಸ್ಪೂರ್ತಿಯಾ!
ಪರ್ವತ ಪದರಗಳ
ಅಡಿ ನೆತ್ತನು
ಹತ್ತಿಳಿದ
ಆರೋಹಿಯ
ಕೌತುಕತೆ
ಸ್ಪೂರ್ತಿಯಾ!
ಕಾಲು ದಾರಿಯ
ಅಂಕು ಡೊಂಕಲಿ
ನಡೆವ
ಅಲೆಮಾರಿಯ
ಭರವಸೆ
ಸ್ಪೂರ್ತಿಯಾ!
ಹಿನ್ನೆಡೆಯ
ಮೆಟ್ಟಿ ನಿಂತು
ಗೆದ್ದೇ ತೀರುವೆನೆನುವ
ಆಟಗಾರನ
ಗಾಢನಂಬಿಕೆ
ಸ್ಪೂರ್ತಿಯಾ!
ಜೀವನ ಪಯಣದಿ
ಹುಡುಕುತಿರುವೆ
ನಾ
ಸ್ಪೂರ್ತಿಯಾ!
ರಾಮಮೂರ್ತಿ ಮಕ್ಕಿತ್ತಾಯ ಅವರು ಮೂಲತಃ ಉಡುಪಿ ಜಿಲ್ಲೆಯ ಬಾಳೆಕುದ್ರು ಗ್ರಾಮದವರು. ವೃತ್ತಿಯಲ್ಲಿ ಕಂಪ್ಯೂಟರ್ ಇಂಜಿನಿಯರ್ ಆಗಿರುವ ಇವರು ಹವ್ಯಾಸೀ ಬರಹಗಾರರು. ‘ಮೇಘ ಮಂಥನ ’ ಪುಸ್ತಕದ ಲೇಖಕರು. ಟ್ರೆಕ್ಕಿಂಗ್ ಮತ್ತು ವ್ಯಂಗ್ಯ ಚಿತ್ರ ಬಿಡಿಸುವುದು ಇವರ ಇತರ ಹವ್ಯಾಸಗಳು.
Latest posts by rmakkithaya (see all)
- ಸ್ಪೂರ್ತಿ! - July 12, 2021
- ಛಲ! - May 9, 2021
- ಮೊಗ್ಗಾಗುವ ಆಸೆ! - April 11, 2021
