ಸತ್ಯ-ಮಿಥ್ಯ
ಸತ್ಯ ಪೇಳಲು ಪೋಗೆ ಮಿಥ್ಯಮೆಂದರು ಜನರು
ಮಿಥ್ಯಮಂ ಸತ್ಯದೊಲು ನಂಬಿ ನಚ್ಚಿದರು
ಮಿಥ್ಯ ಸತ್ಯವ ಕಂಡು ಬೀಗೆ ನಷ್ಟವದೇನು ?
ಸತ್ಯಮೆಂದಿಗು ಸತ್ಯ ಜಾಣಮೂರ್ಖ//
ಎತ್ತ ಸಾಗುತ್ತಿದ್ದೇವೆ ನಾವು ! ಈಗ ನೀವೇ ನೋಡಿ ಸತ್ಯ ಹೇಳಿದರೆ ನಂಬದ ನಮ್ಮ ಜನ ಸುಳ್ಳು ಹೇಳಿದರೆ ಬೇಗ ನಂಬುತ್ತಾರೆ. ಸತ್ಯವನ್ನು ಮಿಥ್ಯ ಎನ್ನುತ್ತಾರೆ ! ಇದೇನು ಕಾಲವೈಪರೀತ್ಯವೋ ! ಕಲಿಯುಗದ ಮಹಿಮೆಯೋ ! ಒಂದೂ ಅರ್ಥವಾಗುತ್ತಿಲ್ಲ. ಇದರಿಂದ ಉಬ್ಬಿದ ಮಿಥ್ಯವು ಸತ್ಯವನ್ನು ಕಂಡು ಬೀಗಿದರೆ ಸತ್ಯಕ್ಕೇನೂ ನಷ್ಟವಿಲ್ಲ. ಸತ್ಯ ಎಂದಿಗೂ ಸತ್ಯ. ಅದು ಬೂದಿ ಮುಚ್ಚಿದ ಕೆಂಡ. ಒಂದು ದಿನ ಪ್ರಕಟಗೊಳ್ಳುತ್ತದೆ ಸತ್ಯಾಗ್ನಿ ! ಅದರ ಜಾಜ್ವಲ್ಯಮಾನ ಪ್ರಕಾಶದಲ್ಲಿ ಮಿಥ್ಯ ಕಾಣದಾಗುತ್ತದೆ ಇದೇ ಸತ್ಯವು. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
