ಕಡೆ ಹಾಯಿಸುವ ಗುರುವು
ಕಡುಮೂರ್ಖನಾಗಿರಲಿ ಜಾಣಮೂರ್ಖನೆ ಇರಲಿ
ಕಡುಗೋಪಿ ಪಂಡಿತರು ಲಂಪಟರೆ ಇರಲಿ
ಒಡನೆ ಯಾರಿರಲಿ ಬಿಡು ನೀನು ನೀನಾಗಿರಲು
ಕಡೆ ಹಾಯಿಸುವ ಗುರುವು ಜಾಣಮೂರ್ಖ //
ಈ ಜಗತ್ತಿನಲ್ಲಿ ನಾವು ತುಂಬಾ ಜನಗಳ ಜೊತೆ ವ್ಯವಹರಿಸಬೇಕಾಗುತ್ತದೆ. ಬದುಕಿನ ಪಯಣದಲ್ಲಿ ಯಾರ್ಯಾರೋ ಸಿಕ್ಕುತ್ತಾರೆ ! ಮೂರ್ಖರು ! ಜಾಣಮೂರ್ಖರು , ಕಡುಗೋಪಿಗಳು , ವಿಷಯ ಲಂಪಟರು , ಪಂಡಿತರು ಇನ್ನೂ ತುಂಬಾ ಜನ ಸಿಗುತ್ತಾರೆ. ನಮ್ಮ ಜೊತೆ ಎಂತಹವರೇ ಇರಲಿ ಬಿಡಯ್ಯಾ ಗೆಳೆಯ. ನಾವು ನಾವಾಗಿದ್ದರಾಯ್ತು. ನಮ್ಮ ಮನಸ್ಸು ನಮ್ಮ ಕೈಲಿರಬೇಕು. ಗುರಿಯನ್ನು ಗೊತ್ತುಪಡಿಸಿಕೊಂಡು ಆ ದಾರಿಗುಂಟ ಸಾಗಬೇಕು. ಒಳಿತನಾಚರಿಸುತ್ತಾ ಸಾಗಿದರೆ ನಂಬಿದ ಗುರುವು ದಡ ಮುಟ್ಟಿಸುವುದರಲ್ಲಿ ಯಾವ ಅನುಮಾನವೂ ಇಲ್ಲ. ಅಲ್ಲವೇ ಗೆಳೆಯರೇ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
