ಜರಡಿಯ ಜಲ
ಜರಡಿಯೊಳ ಜಲದಂತೆ ತನ್ನನರಿತವನಯ್ಯ
ಇರಿಸಿಕೊಳ್ಳನುಮೇನನೆಲ್ಲವೂ ಖಾಲಿ !
ಮರೆವುಮೆಲ್ಲಿಯದವಗೆ ಸುರಿವನೆಲ್ಲವ ಬಿಡದೆ
ಅರಿವು ಮರೆವೇನವಗೆ ಜಾಣಮೂರ್ಖ//
ತನ್ನನ್ನು ತಾನರಿತ ಜ್ಞಾನಿಯು ಸದಾ ಖಾಲಿಯಾಗಿರುವನು. ಜರಡಿಯಲ್ಲಿ ಜಲವು ಹೇಗೆ ನಿಲ್ಲುವುದಿಲ್ಲವೋ ಹಾಗೆ ತನ್ನನ್ನು ತಾನರಿತ ಜ್ಞಾನಿಯೂ ಸಹ ಸದಾ ತನ್ನ ಅರಿವನ್ನು ಹೊರಹಾಕಿ ಖಾಲಿಯಾಗುವನು. ಅವನು ಮನಸ್ಸಿನಲ್ಲಿ ಏನನ್ನೂ ಇಟ್ಟುಕೊಳ್ಳನು ! ಅಂತಹಾ ಜ್ಞಾನಿಗೆ ಬದುಕಿನ ಮರೆವೆಂತದು !? ಅರಿವೆಂತದು !? ಅರಿವು ಮರೆವಿನ ಭೇದ ತೂರಿದವನವನು. ನಮ್ಮಗಳಿಗೆ ಒಂದೇ ಬಾರಿಗೆ ಆ ಎತ್ತರಕ್ಕೇರುವುದು ಕಷ್ಟವಾದರೂ ಅಸಾಧ್ಯವೇನಲ್ಲ ! ಸಾಧನೆಗೆ ಅಸಾಧ್ಯವಾದುದು ಯಾವುದೂ ಇಲ್ಲ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
