ಗತಿಯ ಗಮನಿಸುತಿರೈ
ಮತಿಗೆ ತೋರ್ಪುದುಮೆಲ್ಲ ನಿಜಮಾದೊಡೆಂತು ಪೇಳ್ ?
ಗತಿಯ ಗಮನಿಸುತಿರೈ ಸ್ಥಿರಮಾವುದಿಲ್ಲಿ ?
ಮಿತಿಯೊಳಿರು ಕೆಳೆಯ ನೀ ಸ್ಥಿತಪ್ರಜ್ಞನಾಗಿ ನಡೆ
ಅತಿಬೇಡವೆಲ್ಲಿಯುಂ ಜಾಣಮೂರ್ಖ//
ಸ್ನೇಹಿತರೇ, ನಮ್ಮ ಮನಸ್ಸನ್ನು ಹಾಗೇ ಸೂಕ್ಷ್ಮವಾಗಿ ಗಮನಿಸಿ ! ಇಲ್ಲಿ ಮೂಡುವ ಎಲ್ಲವೂ ನಿಜವಲ್ಲ ! ನಮ್ಮ ಕಣ್ಣಿಗೆ ಕಾಣೋದಾಗಲಿ, ಕೈಗೆ ಸಿಗೋದಾಗಲಿ ಬದಲಾಗದೇ ಹಾಗೇ ಸ್ಥಿರವಾಗಿ ಇರುವುದೇನು? ಹಾಗಾದರೆ ಯಾವುದೂ ಸ್ಥಿರವೂ ಅಲ್ಲ ! ಹಾಗೇ ಚಿರವೂ ಅಲ್ಲ ತಾನೆ !? ಅಷ್ಟೇ ಏಕೆ ಈ ದೇಹದ ಅವಸ್ಥೆಗಳಾದರೂ ಸ್ಥಿರವೇನು ! ಕಾಲಗತಿಗೆ ತಕ್ಕಂತೆ ಆಯಾ ಕಾಲಕ್ಕೆ ಏನು ನಡೀಬೇಕೋ ಅದೆಲ್ಲಾ ನಡೆಯುತ್ತದೆ. ಯಾವುದೂ ನಮ್ಮ ಕೈಲಿರದು. ನನ್ನ ಕೈಲಿದೆ ಅನ್ನೋದು ಒಂದು ಭ್ರಮೆಯಷ್ಟೆ ! ಆದ್ದರಿಂದ ಸ್ಥಿತಪ್ರಜ್ಞರಾಗಿ ನಡೆಯೋದು ಅವಶ್ಯಕ. ಆಗಲೇ ರಾಗದ್ವೇಷಾದಿ ಭಾವನೆಗಳಿಂದ ಮುಕ್ತಿ ಸಾಧ್ಯ . ಯಾವುದನ್ನೂ ಅತಿಮಾಡದೆ ಒಂದು ಮಿತಿಯಲ್ಲಿ ಬದುಕಿ ಮುಕ್ತಿಪಥದಲ್ಲಿ ಸಾಗೋಣ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
