ಮೃಡತತ್ತ್ವಕಿಂ ಮಿಗಿಲೆ
ಕಡಲೆ ಬೆಲ್ಲವ ತರಲು ಕಡವರವನೊಯ್ವರೇಂ?
ಮೃಡನೆಡೆಗೆ ನಶ್ವರದ ಸಿರಿಯನೊಯ್ಯುವುದೆ?
ನಡೆವೆಡೆಗೆ ಕಡವರವ ಹಾಸಲೇಂ ಪೋಗದಿರು
ಮೃಡತತ್ತ್ವಕಿಂ ಮಿಗಿಲೆ ಜಾಣಮೂರ್ಖ //
ಒಂದಿಷ್ಟು ಕಡಲೆ ಬೆಲ್ಲವನ್ನು ತರಲು ಯಾರಾದರೂ ಬೆಲೆಬಾಳುವ ಬಂಗಾರವನ್ನು ಒಯ್ಯುವರೇ ? ಶಿವನನ್ನು ಕಂಡು ಕಣ್ದುಂಬಿ , ಮನದುಂಬಿ , ಕೃತಜ್ಞತೆಯಿಂದ ದಯಾಮಯನಿಗೆ ನಮಿಸಬೇಕಲ್ಲದೆ ನಶ್ವರವಾದ ಸಿರಿಯನ್ನು ಅವನಿಗಾಗಿ ಒಯ್ಯುವುದೇ ? ನಮಗೆ ಆ ಸಿರಿಯನ್ನು ಕೊಟ್ಟವರು ಯಾರು !? ಶಿವನಿಗೆ ನಾವು ಕೊಡಬೇಕಾದುದೇನು !? ಯೋಚಿಸಬೇಕಲ್ಲವೇ !? ಮೃಡತತ್ತ್ವದ ಸೊಗಡೇ ಬೇರೆ ! ಆ ಜಾಡೇ ವಿಭಿನ್ನ ! ಆ ಜಾಡಗುಂಟ ಸಾಗಬೇಕಯ್ಯ ಗೆಳೆಯ. ಇನ್ನು ಬೇರೆಯವರೆಲ್ಲಾ ನೀನು ನಡೆವ ದಾರಿಗೆ ಚಿನ್ನವನ್ನೇ ಸುರಿಯಲಿ ! ಹಾಸಲಿ ! ಅತ್ತ ಸಾಗಬೇಡಯ್ಯ. ಶಿವ ಸಾಯುಜ್ಯವೇ ಮಿಗಿಲು. ಅದಕ್ಕಿಂತಲೂ ಮಿಗಿಲಾದದ್ದು ಇನ್ನಾವುದಿದೆ ಈ ದಿವ್ಯ ಭವ್ಯ ಸೃಷ್ಟಿಯಲ್ಲಿ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
