ತಿಳುವಿನ ತಳ
ತಿಳಿದುದೇನಿರಲಂತೆ ಅಲ್ಲೆ ವಿಹರಿಸು ಮತ್ತೆ
ತಿಳಿಯದಿಹುದಿಹುದಲ್ಲೆ ಸುಳಿದಾಡಲಲ್ಲೆ !
ಕಳೆದುದಳಿವುದೆ ? ಸುಳಿದೊಡಲ್ಲಿಹುದು ತಿಳಿವು ಕಾಣ್
ಅಳಿಮನಕೆ ಸರಿದಾರಿ ಜಾಣಮೂರ್ಖ//
ಓ, ಗೆಳೆಯಾ ನಾವೇನು ತಿಳಿದಿದ್ದೇವೋ ಅದೇ ಅಂತಿಮವಲ್ಲ ! ಅದೇ ಅಂತಿಮ ಅಂತ ನಾವು ಅಂದುಕೊಳ್ಳುತ್ತೇವೆ ಅಷ್ಟೆ. ಹಾಗಂದುಕೊಳ್ಳುವುದು ಮೂರ್ಖತನವಾಗುತ್ತದೆ ! ನಮ್ಮ ತಿಳುವಿನಲ್ಲೇ ಹಾಗೇ ವಿಹರಿಸುತ್ತಿದ್ದರೆ ಆ ತಿಳುವಿನಲ್ಲಿಯೇ ತಿಳಿಯದ ಎಷ್ಟೋ ಗೌಪ್ಯಗಳು ಅಡಗಿರುತ್ತವೆ ! ಶಾಂತವಾಗಿ, ಸೂಕ್ಷ್ಮವಾಗಿ ವಿಚಾರ ಮಾಡಿದರೆ ಸತ್ಯದ ಅರಿವಾಗುತ್ತದೆ. ಅದಕ್ಕೇನೆ ಕಳೆದ ಬದುಕಿನ ಹೆಜ್ಜೆ ಗುರುತುಗಳನ್ನು ಮರೆಯಬಾರದು! ಅವುಗಳ ಅನುಭವದ ಬುನಾದಿಯ ಮೇಲೆ ಮತ್ತೊಂದು ಸತ್ಯದ ಅನಾವರಣವಿರುತ್ತದೆ. ಕೆಲವರಿಗೆ ಕಾಣುತ್ತದೆ , ಮತ್ತೆ ಕೆಲವರಿಗೆ ಕಾಣುವುದಿಲ್ಲ. ಇನ್ನು ಕೆಲವರು ಕಂಡರೂ ಕಾಣದಂತಿದ್ದುಬಿಡುತ್ತಾರೆ ! ಏಕೆಂದರೆ ಸತ್ಯ ಕಹಿಯಲ್ಲವೇ !? ಅದಕ್ಕೆ ! ಆದರೆ ಆ ಸೂಕ್ಷ್ಮ ಅರಿವು ನಮ್ಮ ಚಂಚಲವಾದ ಮನಸ್ಸಿಗೆ ಸರಿದಾರಿಯೇ ಆಗಿರುತ್ತದೆ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
