ಕೆಸರ ಹಕ್ಕಿ
ಕೆಸರ ಹಕ್ಕಿಯು ಕೆಸರನಂಟದೆಯೆ ನಡೆವಂತೆ
ಹಸನಾಗಿ ಬದುಕೇಳು ಸಂಸಾರದೊಳಗೆ
ಮುಸುಕಲೇಂ ಮಾಯಾಂಧಕಾರ ಮಿಗೆ ಬದುಕಲ್ಲಿ
ಮಿಸುಕದಲೆ ಬದುಕೇಳೊ ಜಾಣಮೂರ್ಖ//
ಸ್ನೇಹಿತರೇ , ಕೆಸರಿನಲ್ಲಿರುವ ಹಕ್ಕಿ ತನಗೆ ಬೇಕಾದ ಆಹಾರವನ್ನು ಅಲ್ಲಿಯೇ ಪಡೆಯುತ್ತದೆ. ಆದರೆ ಕೆಸರನ್ನು ಮಾತ್ರ ಮೈಗೆ ಅಂಟಿಸಿಕೊಳ್ಳುವುದಿಲ್ಲ. ಹಾಗೆಯೇ ಸಂಸಾರದೊಳಗೇ ಇದ್ದರೂ , ಮಾಯಾಂಧಕಾರದ ಮಧ್ಯೆಯೇ ಇದ್ದರೂ ಸಹ ಅಂಟಿಯೂ ಅಂಟದಂತೆ ಇರಬೇಕು. ಮಹಾ ಪುರುಷರ ಬದುಕಿನ ನಡೆಯೆಲ್ಲವೂ ಹೀಗೆಯೇ ! ಸ್ವಲ್ಪವೂ ಮಿಸುಕಿ , ಕೊಸರಿದರೂ ಮಾಯೆಯ ಕೆಸರು ಅಂಟಿ ಕೊಳಕಾಗುವುದಂತೂ ನಿಶ್ಚಿತ ! ಸಂಸಾರ ವ್ಯಾಮೋಹದಿಂದ ಒಮ್ಮೆ ಬಿಡುಗಡೆಯಾದರೆ ಸಾಕು ಅಲ್ಲೇ ಇದ್ದರೂ ಅದು ಅಂಟುವುದಿಲ್ಲ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
