ಇತ್ತುಬಿಡು ಹೃದಯವನು
ಇರುವುದೆಂಬಹಮಿನೊಳು ದೇವಗರ್ಪಿಸಲೇನು
ಗುರುವಿಗಿತ್ತರ್ಥಮೇನಾಸ್ತಿಯೇಂ ಚಿರವೆ ?
ಅರಿವಿನೊಳಗಿತ್ತು ಬಿಡು ಹೃದಯವನು ಗುರುವಿಂಗೆ
ಪರಮಪದ ನಿನಗಾಗ ಜಾಣಮೂರ್ಖ//
ನನ್ನ ಬಳಿ ದುಡ್ಡಿದೆ ! ಅದರಿಂದೆ ಇಷ್ಟು ಕೊಟ್ಟೆ ಎಂಬಹಂಕಾರ ಮನದೊಳಗೆ ಲೇಶಮಾತ್ರ ಸುಳಿದರೂ ಸಾಕು ! ಕೊಟ್ಟುದೇನೇ ಇರಲಿ ಕಸವಾಗಿಬಿಡುತ್ತದೆ. ನಾವು ಕೊಡುವ ಲೌಕಿಕಾಂಶಗಳಾವುವೂ ( ಹಣ ಆಸ್ತಿ, ಹಣ್ಣು , ಕಾಯಿ ಇತ್ಯಾದಿಗಳು) ಸ್ಥಿರವಲ್ಲ. ಸುಜ್ಞಾನದಿಂದ ಚಿಂತಿಸಯ್ಯಾ ಗೆಳೆಯಾ ! ಏನಾದರೂ ಕೊಡಬೇಕೆಂಬ ಮನಸ್ಸಿದ್ದರೆ ಅಹಂಕಾರ ಮಮಕಾರಗಳಿಂದ ಮುಕ್ತವಾದ , ಅತೀತವಾದ ಪರಿಶುದ್ಧವಾದ ಹೃದಯವನ್ನು ಅರ್ಪಿಸಿಬಿಡಯ್ಯಾ ಗೆಳೆಯಾ ! ಮನಸ್ಸು ಇಷ್ಟು ನಿರ್ಮಲವಾಗಿದ್ದರೆ ಪರಮಪದವೇ ಸಿಕ್ಕಿಬಿಡುತ್ತದೆ. ಗುರು ಕರುಣೆ ಅಂತಹುದು. ಇದರಲ್ಲಿ ಸಂದೇಹವೇ ಇಲ್ಲ ! ಕೊಟ್ಟ ಹಣ ಖರ್ಚಾಗುತ್ತದೆ ! ಕೊಟ್ಟ ಹಣ್ಣು ಕೆಟ್ಟುಹೋಗಬಹುದು ! ಆದರೆ ಕೊಟ್ಟ ನಿಷ್ಕಲ್ಮಶ ಪ್ರೀತಿ ಎಂದೆಂದಿಗೂ ಅಮರ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
