ಮನಸ್ಸು
ನಿನ್ನೊಡಲು ನಿನ್ನನ್ನ ನಿನ್ನುಸಿರು ನಿನ್ನಾಜ್ಞೆ
ನಿನ್ನಿಳೆಯು ನಿಂಬೆಳೆಯು ನಿನ್ನದೇ ಎಲ್ಲ !
ನಿನ್ನವನೆ ನಾನಾಗಿ ಅನ್ಯನನು ಓಲಯಿಪು
ದೆನ್ನ ಮನಮೆಂತದಿದೊ ಜಾಣಮೂರ್ಖ//
ಈ ಮುಕ್ತಕವನ್ನು ಓದಿದಾಗ ನೀನೆಂಬುದಾರೆಂಬ ಪ್ರಶ್ನೆಗೆ ಅನಂತ ಸೃಷ್ಟಿಯ ಕೈಹಿಡಿದು ಮುನ್ನಡೆಸುತ್ತಿರುವ ದೇವನೆಂಬುದೇ ಉತ್ತರವಾಗುತ್ತದೆ. ಹಾಗಿದ್ದರೆ ಎಲ್ಲಿದ್ದಾನೆ ಅವನು !? ಪುನಃಪ್ರಶ್ನೆ ! ನಮ್ಮೊಳಗೇ ಇದ್ದಾನೆ! ಅವನದೇ ಶರೀರ , ಅನ್ನ , ಆಜ್ಞೆ , ಉಸಿರು , ಇಳೆ , ಬೆಳೆ ಎಲ್ಲವೂ ! ಅಷ್ಟೇ ಏಕೆ ನನ್ನದೆಂಬುದು ಅಜ್ಞಾನದ ಪೊರೆಯಷ್ಟೆ ! ಆ ಪೊರೆ ಕಳಚಬೇಕಷ್ಟೆ. ಕಳಚಿದ ಮೇಲೆ ಸತ್ಯದರ್ಶನವಾಗುತ್ತೆ. ಅಲ್ಲಿ ವರೆಗೂ ನಾನತ್ತ್ವ ತುಂಬಿದ ಈ ಮನಸ್ಸು ! ಅದು ತಿಳಿದರೂ ಅದರೊಟ್ಟಿಗೇ ಹಾಗೆಯೇ ಅನ್ಯರನ್ನು ಓಲೈಸಿಕೊಂಡು , ನಂಬಿ ಬದುಕುತ್ತಿರುವ ಪರಿ ಒಂದು ಸೋಜಿಗವೇ ಸರಿ. ಅಲ್ಲವೇ ಗೆಳೆಯರೇ!?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
