ಮೌನ ! ಮೌನ ! ಮೌನ !
ಕೊಂಬೆಗಳ ಪಿಡಿದು ತಾ ಮರವನೇರಿದ ಮೇಲೆ
ಹಂಬಲಿಸಿ ತುಂಬಿರುವ ಹಣ್ಣ ಮಿಗೆ ತಿಂದು !
ಇಂಬೆಲ್ಲಿ ಮೇಲೆಲ್ಲ ಬರಿ ಬಯಲೆ ಕಾಂಬಂತೆ
ತುಂಬು ಬಾಳಿಗೆ ಮೌನ ಜಾಣಮೂರ್ಖ//
ಈಗ ನಾವು ಒಂದು ಮರವನ್ನು ಏರಿದ್ದೇವೆ ಎಂದಿಟ್ಟುಕೊಳ್ಳೋಣ. ಹಂಬಲಿಸಿ ,ಹಂಬಲಿಸಿ ಅದರಲ್ಲಿರುವ ರಸಭರಿತವಾದ ಹಣ್ಣುಗಳನ್ನು ತೃಪ್ತಿಯಾಗುವವರೆಗೂ ತಿಂದಿದ್ದೇವೆ. ಸವಿದು ಸಂತೋಷಿಸಿದ್ದೇವೆ. ಮತ್ತೂ ಕೊಂಬೆ ರೆಂಬೆಗಳನ್ನು ಹಿಡಿದು ಮರದ ತುದಿಯನ್ನು ತಲುಪಿದ್ದೇವೆ. ಮತ್ತೆ ಮೇಲೇರಲು ಏನೂ ಇಲ್ಲ ! ಏನಿದೆ ಅಲ್ಲಿ ! ಬರೀ ಬಯಲು ! ಬರೀ ಶೂನ್ಯ ! ಬರೀ ಮೌನ ! ಓ, ಗೆಳೆಯರೇ ತುಂಬು ಬಾಳಿನ ನಂತರವೂ ಅಷ್ಟೆ ! ಮುಗಿದ ಮೇಲೆ ಅದೇ ಮೌನ ! ಮೌನ ಮೌನ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
