ಗುರು – ಗುರಿ
ಗುರುಪಾದವಿಡಿದು ತಾನರಿವಿನೊಡನೊಂದಾಗಿ
ಗುರಿಯನರಿತಡಿಗಡಿಗೆ ನಡೆವುದತಿಶಯವು
ಗುರುತತ್ತ್ವವರಿತು ತಾ ಗುರಿಯತ್ತ ಸಾರ್ದಪುದು
ಹರತತ್ತ್ವವದೆ ನಿಜದಿ ಜಾಣಮೂರ್ಖ//
ಗುರುವನ್ನು ನಂಬಿ , ಅವರಿತ್ತ ಅರಿವಿನಿಂದ ನಿಸ್ಪೃಹವಾಗಿ , ಸರಳವಾಗಿ ಬದುಕು ಸಾಗಿಸುವವರಿಗೆ ಯಾವ ತೊಂದರೆಗಳೂ ಬಾರವು. ಗುರುವಿನ ಜೀವನವೇ ಒಂದು ಪಾಠವಿದ್ದಂತೆ. ಕೆಲವಂ ಬಲ್ಲವರಿಂದ ಕಲ್ತು….. ಎಂಬಂತೆ ಅವರ ಜೀವನ ದರ್ಶನವೇ ಒಂದು ಸುಂದರ ಹಾಗೂ ಅರ್ಥಪೂರ್ಣ ಅಧ್ಯಾಯ ! ಅದೇ ಮುಕ್ತಿ ಮಾರ್ಗದ ಮೆಟ್ಟಿಲು ! ಅಂತಹಾ ಗುರುತತ್ತ್ವವನ್ನು ಅರಿತು ಬದುಕಿನ ಗುರಿಯ ಕಡೆಗೆ ಸಾಗಬೇಕು. ಗುರುತತ್ತ್ವವೇ ಹರತತ್ತ್ವ ! ಇದಕ್ಕಿಂತ ಇನ್ನೇನು ಬೇಕು ? ಅದಕ್ಕೇ ದಾಸವರೇಣ್ಯ ಪುರಂದರ ದಾಸರು ” ಗುರುವಿನ ಗುಲಾಮನಾಗುವ ತನಕ ದೊರೆಯದಣ್ಣ ಮುಕುತಿ” ಎಂದಿದ್ದಾರೆ. ಹೃದಯದ ಕಣ್ತೆರೆದು ನೋಡುವವನಿಗೆ ಇಡೀ ವಿಶ್ವವೇ , ಗುರುತತ್ತ್ವಕ್ಕೆ ಪೂರಕವಾಗಿ ಪಂಚಭೂತಗಳೇ ಗುರುವಾಗಿ ದಾರಿತೋರುತ್ತಿವೆ. ಕಾಣುವ ಕಣ್ಣು , ನೋಡುವ ಸುಂದರ ದೃಷ್ಟಿಕೋನ ಬೇಕಿದೆ ಅಷ್ಟೆ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
