ಮತ್ತೆ ಕತ್ತಲದೇಕೊ
ಸುತ್ತಮುತ್ತಲು ಬಯಲು ನಿತ್ಯವೂ ಬಯಲಾಟ ಹೊತ್ತೇರಿ ಕತ್ತಲಡರೆಲ್ಲ ಹೊರಡುವರು ಕತ್ತಲಿಗೆ ಬೆಳಕಿತ್ತು ಕಾವನೈ ಗುರುರಾಯ ಮತ್ತೆ ಕತ್ತಲದೇಕೊ ಜಾಣಮೂರ್ಖ //
ಈ ಜಗತ್ತು ಒಂದು ದೊಡ್ಡ ಬಯಲು. ಈ ಬಯಲಿನಲ್ಲಿ ನಿತ್ಯವೂ ಬಯಲಾಟ ! ನೂರಾರು ಸಾವಿರಾರು ತರಹೆಯ ಆಟಗಳು ! ಹೊತ್ತೇರಿ ಕತ್ತಲಾದೊಡನೆ ಎಲ್ಲರೂ ಹೊರಡುವರು. ಹೊರಡಲೇಬೇಕು ! ಆದರೆ ಕತ್ತಲಿಗೆ ಬೆಳಕಿತ್ತು ಕಾಯಲು ಗುರುರಾಯನಿದ್ದಾನೆ. ತನ್ನನ್ನು ನಂಬಿದವರನ್ನು ಅವನೆಂದಿಗೂ ಕೈ ಬಿಡನು. ಆದರೇಕೋ ಸ್ವಲ್ಪ ಈ ಲೌಕಿಕದೆಡೆಗೆ ಜಾರಿದೊಡೆ ಮುಗಿಯಿತು ಮತ್ತದೇ ಕತ್ತಲು. ಗಾಢವಾದ ಅಂಧಕಾರ. ಆದರೆ ಆ ಗುರುವಿತ್ತ ಅರಿವಿನ ಬೆಳಕಿನ ಗುಂಗಿನಲ್ಲೇ ಇರುವವರಿಗೆ ಎಲ್ಲಿಯ ಕತ್ತಲು ? ಅವರು ನಿತ್ಯ ತೃಪ್ತರು. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
