ಬೇಹುಗಾರಿಕೆಯೇಕೊ ?
ದೇಹಭಾವವ ತೊರೆದು ಆತ್ಮಭಾವದಿ ನೋಡು ಮೋಹಾದಿ ಭಾವದೊಳಗೇರಿಳಿತವಿರದು ! ದೇಹ ಮೋಹಗಳೆಲ್ಲ ದೇವನದೆ ಆಗಿರಲು ಬೇಹುಗಾರಿಕೆಯೇಕೊ ಜಾಣಮೂರ್ಖ//
ಪ್ರತಿದಿನವೂ , ಪ್ರತಿಕ್ಷಣವೂ ಮನಸ್ಸು ಏನಾದರೊಂದು ಸಂತೋಷವನ್ನೋ , ದುಃಖವನ್ನೋ ಅನುಭವಿಸುತ್ತಲೇ ಇರುತ್ತದೆ. ಅದೇನೇ ಆಗಿರಲಿ ದೇಹಭಾವದಿಂದ ನೋಡಬೇಡಯ್ಯಾ ಗೆಳೆಯ ! ಆತ್ಮಭಾವದಿಂದ ನೋಡು. ಆಗ ನಮ್ಮ ಅಂತರಂಗದಲ್ಲಿ ಯಾವ ಏರಿಳಿತಗಳೂ ಉಂಟಾಗುವುದಿಲ್ಲ. ಭಾವೋದ್ವೇಗಕ್ಕೆ ಒಳಗಾಗುವುದಿಲ್ಲ. ಬದುಕಿನಲ್ಲಿ ಸ್ವಲ್ಪ ಅನುಭವಿಸಿ ನೋಡಿದರೆ ಇದು ತಿಳಿಯುತ್ತದೆ. ಸ್ಥಿತಪ್ರಜ್ಞರಾಗಿಬಿಡುತ್ತೇವೆ ನಾವು. ಈ ಶರೀರವಾಗಲಿ, ಕಾಣದೆ ಅವಿತು ಕೆಲಸ ಮಾಡುತ್ತಿರೋ ಮೋಹಾದಿ ಭಾವಗಳಾಗಲಿ , ಏನೂ ಮಾಡವು ! ಇವೆಲ್ಲವೂ ಭಗವಂತನ ಲೀಲೆ ಎಂಬುದನ್ನು ಅರಿ. ಶಾಂತಿ ನೆಮ್ಮದಿಯನ್ನು ಅರಸಿ ಎಲ್ಲೆಲ್ಲೋ ಅಲೆಯುವುದಕ್ಕಿಂದ ನಿನ್ನಲ್ಲಿಯೇ ಇವುಗಳ ನೆಲೆಯನ್ನು ಕಾಣು. ಈ ನಿಟ್ಟಿನಲ್ಲಿ ಎಲ್ಲಿಯ ವರೆಗೆ ನಾವು ನಮ್ಮನ್ನು ಸರಿಪಡಿಸಿಕೊಳ್ಳುವುದಿಲ್ಲವೋ ಅಲ್ಲಿಯವರೆಗೂ ಈ ಬಂಧನಗಳ ತೊಳಲಾಟ ಇದ್ದದ್ದೇ ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
