ರಸಗವಳವಿರಲೇನು
ರಸಗವಳವಿರಲೇನು ಹಸಿವಿಗೊದಗದ ಮೇಲೆ
ಹಸನಿದ್ದರೇನು ಬಾಳ್ ಸಮಯಕಾಗದಿರೆ
ಬಿಸಜಾಕ್ಷನಾ ನಾಮ ಭಕ್ತಿಯಿಲ್ಲದೊಡೆಂತು?
ವಸುಧೆಯೊಳ್ ವ್ಯರ್ಥವೈ ಜಾಣಮೂರ್ಖ //
ಸ್ನೇಹಿತರೇ, ಸ್ವಲ್ಪ ಯೋಚಿಸಿ. ನಮ್ಮ ಬಳಿ ರಸಗವಳವೇ ಇದೆ. ಆದರೆ ತುಂಬಾ ಹಸಿದಾಗ ಸಿಗಲ್ಲ ! ಆಮೇಲೆ ಅಂದರೆ ಹಸಿವಿಗೆ ಏನು ಸಿಗುತ್ತೋ ಅದನ್ನು ತಿಂದು ಹಸಿವಿಂಗಿದ ಮೇಲೆ ಸಿಗುತ್ತೆ ! ಏನು ಪ್ರಯೋಜನ ? ನಾವು ಬದುಕಿನಲ್ಲಿ ಹಸನಾಗಿದ್ದಾಗ ಅಂದರೆ ನೆಮ್ಮದಿಯಿಂದಿದ್ದಾಗ ಲೋಗರ ಕಷ್ಟಕ್ಕೆ ಆಗದೆ ಸ್ವಾರ್ಥದಿಂದ ಬದುಕಿದರೆ ಏನು ಪ್ರಯೋಜನ ? ಹಾಗೆಯೇ ನಿಶ್ಚಲ ಭಕ್ತಿಯಿಲ್ಲದೇ ಶ್ರೀಹರಿಯ ನಾಮ ಜಪವನ್ನು ಅನವರತ ಮಾಡಿದರೇನು ಪ್ರಯೋಜನ ! ಅಲ್ಲವೇ ಗೆಳೆಯರೇ ?! ಬದುಕಿನಲ್ಲಿ ಎಲ್ಲವೂ ತೋರಿಕೆಯಾಗಬಾರದು. ಆತ್ಮಪೂರ್ವಕವಾಗಿರಬೇಕು. ಆದರೇನು ! ಹಳದಿ ಕಣ್ಣಿಗೆ ತಾನು ಮಾಡುತ್ತಿರುವುದೇ ಸರಿ ಎನ್ನುವ ಪೊರೆ ಕವಿದಿರುವಾಗ ಸತ್ಯವು ಗೋಚರವಾಗುವುದಾದರೂ ಎಂತು ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
