ಪ್ರಾರ್ಥನೆ

ಪ್ರಾರ್ಥನೆ

ಪ್ರಾರ್ಥನೆಯ ಭಾವದೊಳಗಿರೆ ಧೈರ್ಯ ಭರವಸೆಗ
ಳರ್ತಿಯಿಂ ಸ್ತುತಿಸೇಳು ಕಾಲ ಕಳೆವೇಕೆ?
ವ್ಯರ್ಥ ಜಿಜ್ಞಾಸೆಯಿಂದೇನ ಹುಡುಕುವೆ ಮರುಳೆ
ಅರ್ತಿಯಿಂ ಪ್ರಾರ್ಥಿಸೇಳ್ ಜಾಣಮೂರ್ಖ//

ಓ, ಗೆಳೆಯಾ ಪ್ರಾರ್ಥನೆಯು ಖಂಡಿತವಾಗಿಯೂ ಜೀವನಕ್ಕೆ ಧೈರ್ಯ ಮತ್ತೆ ಭರವಸೆಗಳನ್ನು ನೀಡುತ್ತದೆ. ಬದುಕಿನ ನೋವುಗಳನ್ನು ಸಹಿಸುವ ಶಕ್ತಿಯನ್ನು ನೀಡುತ್ತದೆ. ನಮ್ಮ ಮನೋಬಲವು ಹೆಚ್ಚುತ್ತದೆ. ಆತ್ಮವಿಶ್ವಾಸದ ಬದುಕು ನಮ್ಮದಾಗುತ್ತದೆ. ಮತ್ತೆ ತಡವೇಕೆ ? ಇಷ್ಟು ಕಾಲವೂ ವ್ಯರ್ಥವಾಗಿ ಜಿಜ್ಞಾಸಾಮತಿಗಳಾಗಿ ಕಾಲಕಳೆದಿದ್ದಾಯ್ತು ! ಏನು ಸಿಕ್ಕಿತು !? ಏನಾದರೂ ಸಿಕ್ಕಿದೆಯೆ ! ಒಂದು ನಿಲುವಿಗಂತೂ ಬಂದಿದ್ದೇವೆ. ಅನಂತ ಸೃಷ್ಟಿಯನ್ನು ನಿಯಂತ್ರಿಸುತ್ತಿರುವ ಒಂದು ದಿವ್ಯ ಶಕ್ತಿಯಂತೂ ಇದೆ ಎಂಬುದೇ ಆ ನಿಲುವು. ಆ ದಿವ್ಯಶಕ್ತಿಯ ಪ್ರಾರ್ಥನೆಯನ್ನು ಭಕ್ತಿಯಿಂದ ಇನ್ನಾದರೂ ಮಾಡಬಾರದೇಕೆ ? ಕಣ್ಣಿಗೆ ಕಾಣದ ವೈರಾಣುವೊಂದಕ್ಕೆ ಇಷ್ಟೊಂದು ಶಕ್ತಿಯಿದೆ ಎಂದಮೇಲೆ ಇನ್ನು ಈ ಅನಂತ ಸೃಷ್ಟಿಯನ್ನೇ ನೇಪಥ್ಯದಲ್ಲಿ ನಿಂತು ಆಡಿಸುತ್ತಿರುವ ಆ ಶಕ್ತಿಗೆ ಮನುಕುಲವನ್ನು ಕಾಯುವ ಶಕ್ತಿಯೂ ಇರಲೇಬೇಕಲ್ಲವೇ ಗೆಳೆಯರೇ ?

Author
Recent Posts

ಶ್ರೀ ಮುರಳೀಧರ ಹೆಚ್ ಆರ್

ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.

Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)