ಸಲಿಸೇಳು ನಿನ್ನ ನೀ
ಫಲಪುಷ್ಪ ಗಂಧಾದಿ ದೀಪಧೂಪಾದಿಗಳು
ನಲವಿನಿಂದೊಂದಾಗಿ ದೇವನೊಳು ಮುದದಿ
ಒಲವಿನಿಂದಿತ್ತು ಭಕ್ತಿಯ ಸೆಲೆಯ ಸಿಂಚಿಸಲು
ಸಲಿಸೇಳು ನಿನ್ನ ನೀ ಜಾಣಮೂರ್ಖ//
ದೇವನಿಗೆ ಅರ್ಪಿತವಾಗುವ ಫಲಪುಷ್ಪ , ಗಂಧ , ದೀಪ ಧೂಪಾದಿಗಳು ಒಲವಿನಿಂದ ತಮ್ಮನ್ನು ತಾವು ಸಂಪೂರ್ಣವಾಗಿ ಅರ್ಪಿಸಿಕೊಂಡುಬಿಡುತ್ತವೆ. ಮತ್ತೆ ಒಲವಿನಿಂದ ನಮಗೆ ಭಕ್ತಿಯ ಸೆಲೆಯ ಸಿಂಚನವನ್ನು ಪರಿಮಳದ ರೂಪದಲ್ಲಿ ನೀಡಿ ಧನ್ಯತೆಯನ್ನು ಪಡೆಯುತ್ತವೆ. ನಾವು ಆ ಪರಿಮಳವನ್ನು ಆಸ್ವಾದಿಸುತ್ತೇವೆ. ಅವುಗಳಂತೆ ನಮ್ಮ ಬದುಕೂ ಧನ್ಯವಾಗಬೇಕಲ್ಲವೇ ? ಕೃತಾರ್ಥವಾಗಬೇಕಲ್ಲವೇ ? ಅವು ಪರಿಮಳವನ್ನು ಹಂಚಿದಂತೆ ನಾವೂ ಸಹ ನಮ್ಮನ್ನು ಭಗವಂತನಿಗೆ ಅರ್ಪಿಸಿಕೊಂಡು ಏನಾದರೂ ಹಂಚಬೇಕಲ್ಲವೇ !? ಏನ ಹಂಚಬಲ್ಲೆವು ನಾವು !? ಏನಾದರೂ ಸಾರ್ಥಕವಾಗುವಂತಹುದನ್ನೇ ಹಂಚಬೇಕು. ಅಲ್ಲವೇ ಗೆಳೆಯರೇ ?!
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
