ದೀಪಧೂಪಕೆ ಸಿಕ್ಕು ಹಣ್ಣು ಕಾಯ್ಗಳಿಗೊಲಿದು
ನೂಪುರದ ನಾಟ್ಯ ಸಂಗೀತಕ್ಕೆ ಸಿಕ್ಕೆ !
ಕಾಪಾಡುವಾ ದೇವ ನಶ್ವರದ ಧನಕೆಳೆಸೆ
ಪಾಪಿಗೆಲ್ಲಿದೆ ನರಕ ಜಾಣಮೂರ್ಖ//
ಭಗವಂತನು ನಮ್ಮ ದೀಪಧೂಪಾದಿಗಳಿಗಾಗಲಿ, ಹಣ್ಣು ಕಾಯಿ ಇತ್ಯಾದಿ ನೈವೇದ್ಯಾದಿಗಳಿಗಾಗಲಿ , ಅಥವಾ ನೂಪುರ ನಾದದ ನರ್ತನ , ಸುಮಧುರ ಸಂಗೀತಾದಿಗಳಿಗಾಗಲಿ , ದೇವರಿಗೆ ಅರ್ಪಿಸೋ ಕಾಣಿಕೆಗಳಿಗಾಗಲಿ ಎಂದೂ ಒಲಿಯನು. ಭಕ್ತ್ಯಾವಿರ್ಭಾವಕ್ಕೆ ಇವು ಮಾರ್ಗಗಳಿರಬಹುದು ! ಆದರೆ ಇವೇ ಭಕ್ತಿಯ ಪ್ರತೀಕಗಳಲ್ಲ ಅಥವಾ ಇವೇ ಭಕ್ತಿಯೂ ಅಲ್ಲ ! ಚಿಂತಿಸಿ ಅವನಿಗೆ ಭಕ್ತಿ ಬೇಕಷ್ಟೆ. ಆ ನಿಶ್ಚಲ ಭಕ್ತಿಯಿಲ್ಲದೇ ಏನೇ ಅರ್ಪಿಸಿದರೂ ಅದು ವ್ಯರ್ಥವಷ್ಟೆ. ಒಂದುವೇಳೆ ಕ್ಷಣಿಕವಾದ ಧನ, ಧಾನ್ಯ, ಚಿನ್ನ ಇತ್ಯಾದಿಗಳಿಗೆ ಒಲಿಯುವಂತಿದ್ದರೆ ಇಂದಿನ ಭ್ರಷ್ಟಾಚಾರಿಗಳೆಲ್ಲರೂ ಸ್ವರ್ಗವನ್ನು ಮೊದಲೇ ಕಾಯ್ದಿರಿಸಿಬಿಡುತ್ತಿದ್ದರು. ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
