ಅಂತರಂಗದ ಗುಡಿಯೊಳಿರಲು ದೈವತ್ವ ತಾ
ಸಂತನಾಗುವೆ ನೀನು ಸಂದೆಯಮದೇಕೆ !?
ಅಂತರವೆ ಸೃಷ್ಟಿಯೊಳಗೇಕತೆಯ ಕಾಣದುವೆ
ಸಂತತ್ವ ದೈವತ್ವ ಜಾಣಮೂರ್ಖ//
ದೈವತ್ವ ಎಂದರೆ ಅನಂತವಾದ ಈ ಸೃಷ್ಠಿಯಲ್ಲಿ ಭೇದವನ್ನು ಕಾಣದೇ ಇರುವುದು. ಹಾಗಾದಾಗ ದಿಟವಾಗಿ ಎಲ್ಲರೂ ಸಂತರೇ, ಶರಣರೇ . ಆದರೆ ಇಂದು ಸಂತರು, ಶರಣರೆಂದು ಕರೆಯಲ್ಪಡುವವರೆಲ್ಲರಿಗೂ ಈ ಎತ್ತರದ ಭಾವವಿರುವುದಿಲ್ಲ. ಅವರೆಲ್ಲರೂ ಸ್ವಯಂ ಘೋಷಿತ ಸಂತರುಗಳಷ್ಟೆ . ಅದೊಂದು ತರಹೆಯ ಉದರ ವೈರಾಗ್ಯ. ಇಂದು ನೀವೇ ನೋಡಿ ಎಲ್ಲರೂ ಕಾವಿಧಾರಿಗಳೇ ! ಅಷ್ಟಕ್ಕೂ ಕಾವಿ ವೈರಾಗ್ಯದ ಸೂಚಕವೆಂದು ಮಾಡಿದೋರು ನಾವೇ ತಾನೆ !? ಆದರೆ ಅನಂತ ಸೃಷ್ಟಿಯಲ್ಲಿ ತಾನೂ ಒಬ್ಬನೆಂದರಿತು ,ಜಗತ್ತಿನ ಕಲ್ಯಾಣಕ್ಕೆ, ಶಾಂತಿಗೆ ಶ್ರಮಿಸುವವರು ಮಾತ್ರ ನಿಜವಾದ ಸಂತರು, ಶರಣರು. ಅದೇ ನಿಜವಾದ ಸಂತತ್ವ. ಅದೇ ದೈವತ್ವ. ಹೃದಯದಿಂದ ಒಮ್ಮೆ ಚಿಂತಿಸಿದರೆ ಎಲ್ಲವೂ ಅರ್ಥವಾಗುತ್ತದೆ. ದೃಷ್ಟಿಯಂತೆ ಸೃಷ್ಟಿ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
