ನಾನೆನುವುದಜ್ಞಾನ ನೀನೆನಲು ಸುಜ್ಞಾನ
ತನುಭಾವವಜ್ಞಾನ ತೊರೆದು ಹೊರ ಬಾರ
ಘನನು ಗುರು ಭವದ ಕಸವೆಲ್ಲ ಸುಟ್ಟುರುಹುವನು
ಎಣೆಯೆ ಗುರು ಕರುಣೆಗೆಲೆ ಜಾಣಮೂರ್ಖ //
ಗುರು ಕಾರುಣ್ಯಕ್ಕೆ ಸಾಟಿಯೆಂಬುದೇ ಇಲ್ಲ ಈ ಜಗತ್ತಿನಲ್ಲಿ. ಹರಮುನಿಯಲ್ ಗುರು ಕಾಯ್ವನು ಎಂದು ಅಷ್ಟಲ್ಲದೇ ಹೇಳಿರುವರೇನು ಪ್ರಾಜ್ಞರು ! ಆದರೆ ನಾನೆನುವ ಅಜ್ಞಾನಿಗೆ ಗುರು ಕಾರುಣ್ಯವೆಂತು ದಕ್ಕೀತು ? ನಾನು ನಾನೆನುವುದೇ ಅಜ್ಞಾನ. ನೀನೇ , ನಿನ್ನದೇ ಎಂದು ಬದುಕೋದೇ ಸುಜ್ಞಾನ. ಈ ದೇಹ ಭಾವವನ್ನು ತೊರೆದು ಹೊರಬಾರಯ್ಯ ಗೆಳೆಯಾ.ಗುರುವು ಬಹು ಘನನು. ಭವದ ಕಷ್ಟಗಳನ್ನೆಲ್ಲ ಭಸ್ಮಮಾಡಿ ಇಷ್ಟಾರ್ಥಗಳನ್ನು ನೆರವೇರಿಸುವವನು. ಗುರು ಕರುಣೆಗೆ ಎಣೆ ಯಾವುದು ಹೇಳಿ ಈ ಜಗತ್ತಿನಲ್ಲಿ ! ಅನ್ಯಥಾ ಶರಣಂ ನಾಸ್ತಿ ಎಂದು ಬಂದವರನ್ನು ಗುರು ಎಂದೂ ಕೈ ಬಿಡನು. ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
