ಬಾಲಕೇಳಿಯೊಳಜ್ಜ ಪೇಳ್ದಂತ ಕತೆಗಳವು
ಬಾಲಕರ ಬದುಕಿಂಗೆ ದಾರಿದೀಪಗಳು
ಕಾಲಸಲೆಯಲ್ಕದರ ಆಳ ತಿಳಿವುದೊ ದಿಟದಿ
ಬಾಲಿಶವೊ ಬಾಲ್ಯದೊಳು ಜಾಣಮೂರ್ಖ //
ಸ್ನೇಹಿತರೇ ಇದರ ಅನುಭವ ನಿಮಗೂ ಆಗಿಯೇ ಇರುತ್ತದೆ. ನಮಗೆ ಅಜ್ಜ , ಅಜ್ಜಿ ಹೇಳಿದ ಕತೆಗಳು ಬದುಕಿಗೆ ನಿಜಕ್ಕೂ ಒಂದು ತಿರುವನ್ನೇ ತಂದುಕೊಡುವಂತಹವು. ಆದರೇನು ನಮಗಂತೂ ಅದು ಆಟದ ವಯಸ್ಸು , ಹುಡುಗಾಟ ಅದೆಲ್ಲಾ ಲೆಕ್ಕಕ್ಕೇ ಇಲ್ಲ. ಆದರೆ ಅದರ ಸಾರ , ಆಳ ಇದೆಲ್ಲವೂ ನಮಗೆ ತಿಳಿಯೋದು ನಾವು ದೊಡ್ಡವರಾದ ಮೇಲೇನೇ ! ವಿಪರ್ಯಾಸವೆಂದರೆ ಅವರು ಹೇಳಿದ ಸತ್ಯಗಳನ್ನು ಅನುಭವಿಸಿ ಅವರೊಂದಿಗೆ ಹಂಚಿಕೊಳ್ಳೋಣವೆಂದರೆ ಆ ಹಿರಿಯರು ನಮ್ಮ ಜೊತೆ ಇರುವುದಿಲ್ಲ ! ಈ ದೈವಲೀಲೆಯೇ ಹೀಗೆ. ಹಲ್ಲಿದ್ದಾಗ ಕಡಲೆಯಿಲ್ಲ , ಕಡಲೆಯಿದ್ದಾಗ ಹಲ್ಲಿಲ್ಲ ಎನ್ನುವ ಹಾಗೆ. ಅಂದಹಾಗೆ ಬದುಕೂ ಹೀಗೇನೆ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
