ಮುಳುಗೆದ್ದು ಬಾಳಿನೀ ದಂದುಗದೊಳದ್ದಿ ಬಲು
ತಿಳುವಿನಾ ತಳಕಿಳಿದು ಅನುಭಾವಿಯಾಗಿ !
ಕಳಿತರೇಂ! ಮಾಗಲೇಂ! ಸಂತಸವ ಮರೆತರದು
ಅಳಿಮನದ ಪರಿಯಲ್ತೆ ಜಾಣಮೂರ್ಖ //
ಈ ಬದುಕಿನ ಕಷ್ಟಗಳಲ್ಲಿ ನಾವು ಕ್ಷಣಕ್ಷಣಕ್ಕೂ ಮುಳುಗೇಳುತ್ತಿದ್ದೇವೆ.ಬದುಕಲ್ಲಿ ಎಲ್ಲವನ್ನೂ ಅನುಭವಿಸಿ ಅನುಭಾವಿಗಳಾಗುತ್ತಿದ್ದೇವೆ. ಬದುಕಿನ ಅಂತಃಸ್ಸತ್ವವನ್ನು ಬೆದಕಿ ಜ್ಞಾನಿಗಳೆನಿಸುತ್ತೇವೆ. ಇಷ್ಟೆಲ್ಲಾ ಆದರೂ ಸಂತೋಷದಿಂದ ಬದುಕುವುದನ್ನು ಮಾತ್ರ ಮರೆಯುತ್ತೇವೆ. ಒಂದು ರೀತಿಯ ಭ್ರಮೆಯಲ್ಲೇ ಬದುಕುತ್ತೇವೆ. ಮನಸ್ಸು ಮಾತ್ರ ಚಂಚಲಗೊಳ್ಳುತ್ತಲೇ ಹೋಗುತ್ತದೆ. ಅದಕ್ಕೆ ತೃಪ್ತಿಯೆಂಬುದೇ ಇಲ್ಲ. ಆತ್ಮಜ್ಞಾನಿಯಾಗಿ ಅಂತರಂಗವನ್ನೊಮ್ಮೆ ಅವಲೋಕಿಸದೆ ಬಾಹ್ಯಾಡಂಬರ , ಬಾಹ್ಯ ಪ್ರಪಂಚಕ್ಕೆ ಸೋತಾಗ ಎಷ್ಟು ಜ್ಞಾನಿಯಾದರೇನು ಬಂತು ? ಸ್ವಲ್ಪ ಚಿಂತಿಸೋಣ. ಬಾಲಿಶ ಪ್ರವೃತ್ತಿಗಳನ್ನು ಬಿಟ್ಟು ಪ್ರಾಜ್ಞರಾಗಬೇಕಿದೆ. ಅರಿವಿನ ಆಭರಣ ಅಂತರಂಗದಲ್ಲಿ ಶೋಭಿಸಿದಾಗ ಮಾತ್ರ ಅದರ ಸೊಗಸು ಹೆಚ್ಚು ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
