ತೊಡಕಿನೊಳು ತೊಡಕೇಕೊ

ತೊಡಕಿಂಗೆ ಮಿಡುಕಿ ಬಲು ಕೊರಗೆ ಪರಿಹಾರಮೇನ್ ?
ತೊಡಕಿದ್ದರಿರಲಿ ಬಿಡು ಅದರ ಪಾಡದಕೆ !
ತೊಡಕಿನೊಳಗರಳೇಳು
ಬದುಕ ತೊಡಕಾಗಿಸದೆ !
ತೊಡಕಿನೊಳು ತೊಡಕೇಕೊ ಜಾಣಮೂರ್ಖ//

ನೋಡಿ ಹುಟ್ಟದಾಗಿನಿಂದ ಸಾಯುವ ವರೆಗೆ ಸಮಸ್ಯೆಗಳು ಇದ್ದವುಗಳೇ ! ಒಂದಾದ ಮೇಲೊಂದು ! ನಮ್ಮ ಸಮಸ್ಯೆಗಳಿಗೆ ಕೊನೇನೇ ಇಲ್ಲ ! ಆ ದೇವರಿಗೆ ನಮ್ಮ ಮೇಲೆ ಸ್ವಲ್ಪವೂ ಕರುಣೇನೇ ಇಲ್ಲ ಎನ್ನುತ್ತೇವೆ , ಮತ್ತೆ ನಾವೇ ಸಮಸ್ಯೆಗಳ ಒಳಗೆ ಬೀಳುತ್ತೇವೆ. ಪಾಪ ದೇವರದೇನು ತಪ್ಪು !? ಸಮಸ್ಯೆಗಳ ಒಳಗೇ ಬದುಕು ಅರಳಬೇಕೇ ಹೊರತು ಬದುಕೇ ಒಂದು ಸಮಸ್ಯೆಯಾಗಬಾರದು! ಸಮಸ್ಯೆಯ ಒಳಗೇ ಮತ್ತೊಂದು ಸಮಸ್ಯೆ ಮಾಡಿಕೊಂಡು ಒದ್ದಾಡುವುದಕ್ಕಿಂತ ಬದುಕನ್ನು ಸರಳವಾಗಿ ,ಶಾಂತವಾಗಿ ಮತ್ತೆ ನಿರ್ಮಲವಾಗಿ ಕಳೆಯೋಣ. ಸಮಸ್ಯೆ ನಮ್ಮೊಬ್ಬರದೇ ಅಲ್ಲ ! ಜಗತ್ತಿನಲ್ಲಿ ಎಲ್ಲರಿಗೂ ಇದೆ. ನಾವು ಮೊದಲು ಮುಕ್ತರಾಗಿ ಮುಕ್ತಿಯ ದಾರಿಯನ್ನು ಎಲ್ಲರಿಗೂ ತೋರೋಣ ! ಜಗತ್ತೇ ಸಂತಸಮಯವಾಗಿರಲೆಂದು ಹಾರೈಸೋಣ. ಬದುಕನ್ನು ಸುಂದರ ನಂದನವಾಗಿಸೋಣ. ನಾಲ್ಕು ದಿನದ ಬದುಕಲ್ಲಿ ಸ್ವಾರ್ಥವನ್ನು ತೊರೆದು “ಲೋಕಾ ಸಮಸ್ತಾ ಸುಖಿನೋ ಭವಂತು ” ಎನ್ನೋಣ. ಅಲ್ಲವೇ ಗೆಳೆಯರೇ !?

Author
Recent Posts

ಶ್ರೀ ಮುರಳೀಧರ ಹೆಚ್ ಆರ್

ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.

Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)