ನೋಡಲಿಹ ಕಣ್ಣಿನಿಂ ನೋಡಿದೇನನು ಮಣ್ಣ ?
ನೋಡುವುದ ನೋಡದಲೆಯಾಡಿದೆಯೊ ಅಣ್ಣ !
ಹಾಡಿ ನಲಿಯದೆ ಬರಿದೆ ಕೂಡಿ ವಿಷಯಂಗಳಲಿ
ನೋಡುವುದ ಮರೆತಲ್ಲೊ ಜಾಣಮೂರ್ಖ //
ಸೃಷ್ಟಿಯ ತುಂಬಾ ಭಗವಂತನ ಇರುವಿಕೆಯನ್ನು ನಾವು ಗುರ್ತಿಸಬಹುದಾದರೂ ಗುರ್ತಿಸುತ್ತಿಲ್ಲ ! ನೋಡೋದಕ್ಕೆ ಅಂತ ಕಣ್ಣು ಕೊಟ್ಟಿದ್ದಾನವನು. ಒಂದಲ್ಲ ಅಂತ ಎರಡು. ಬಾಹ್ಯದಲ್ಲಿರೋದು. ದೈಹಿಕವಾದದ್ದು. ಹೃದಯದ ಕಣ್ಣೂ ಇದೆ ತಾನೆ !? ಅದರಿಂದ ನಾವು ನೋಡೋದೇ ಇಲ್ಲ. ಐಹಿಕ ಭೋಗಭಾಗ್ಯಗಳ ಛಾಯೆಯಲ್ಲಿ ಮುಚ್ಚಿಹೋಗಿದ್ದೇವೆ. ಹಾಡಿ ನಲಿಯದೆ ವಿಷಯಗಳ ಬಲೆಗೆ ಸಿಲುಕಿ ಬೆಂಡಾಗುತ್ತಿದ್ದೇವೆ. ನಮ್ಮೊಡನೆಯೇ ಇರುವ ಭಗವಂತನ ಪ್ರಭೆಯನ್ನು ಗುರ್ತಿಸದವರಾಗಿದ್ದೇವೆ. ಅವನನ್ನು ನೋಡುವುದನ್ನೇ ಮರೆತಿದ್ದೇವೆ. ಇನ್ನಾದರೂ ಜಾಗೃತರಾಗಬೇಕಿದೆ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
