ನಡೆವ ದಾರಿಗೆ ಮನೆಯನಡ್ಡ ಕಟ್ಟುವರೇನು ?
ಸಡಗರದಿ ಬಾಳ್ಪಥದಿ ಮರೆತು ಬಾಳುವರೆ !?
ತಡೆವೊಡೆದ ನೀರಿನೊಲು ನುಗ್ಗಲೇನಾಯ್ತು ಮಿಗೆ
ಅಡರಾಸಿ ಕೆಡದಿರೆಲೊ ಜಾಣಮೂರ್ಖ //
ದಾರಿ ಇರುವುದು ಏಕೆ ಹೇಳಿ !? ನಡೆದಾಡೋದಕ್ಕೆ ತಾನೆ ? ಅಂತಹಾ ದಾರಿಯಲ್ಲಿ ಮನೆ ಕಟ್ಟಿ ವಾಸ ಮಾಡಲಾದೀತೆ ? ಹಾಗೇನೇ ಬದುಕಿನ ದಾರಿ ಕೂಡ. ಅಲ್ಲಿ ದಾರಿತಪ್ಪಿದರೆ ಮುಗಿಯಿತು. ಬದುಕೇ ಅಸ್ತವ್ಯಸ್ತವಾಗುತ್ತದೆ. ಏನೇ ಸಾಧನೆಗೈದರೂ ಎಲ್ಲವೂ ವ್ಯರ್ಥ ! ಅದಕ್ಕೆ ಅಣೆಕಟ್ಟು ಒಡೆದ ನೀರಿನಂತೆ ಗೊತ್ತುಗುರಿ ಇಲ್ಲದೆ ನುಗ್ಗಬಾರದು. ಆತುರಾತುರವಾಗಿ ತೀರ್ಮಾನಗಳನ್ನು ತೆಗೆದುಕೊಳ್ಳಬಾರದು. ಇದರಿಂದ ಬರೀ ಅನರ್ಥವಷ್ಟೆ. ಧರ್ಮದ ದಾರಿಯಲ್ಲಿ ನಡೆದು ಸತ್ಯದರ್ಶನ ಮಾಡಬೇಕು. ಆಗಲೇ ಬದುಕು ಸಾರ್ಥಕ.ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
