ಹೂವರಳಿ ಪರಿಮಳವ ಪಸರಿಸುವ ಪರಿಯಂತೆ
ದೇವನಡಿಗೆರಗಿ ಬಾಳ್ ಸಫಲಗೊಳ್ವಂತೆ
ಭಾವ ಬಜಿಪುದಕಿರಲು ಒಳಿತಗೈಲಿರೆ ತನುವು
ಸೇವೆಗೈ ಭಜಿಸೇಳೊ ಜಾಣಮೂರ್ಖ //
ಹೂವಿನ ಬದುಕೇ ಧನ್ಯ. ಮುಂಜಾನೆಯೇ ಅರಳಿ ಪರಿಮಳವ ಪಸರಿಸಿ ಸತ್ತೆಲ್ಲ ಪರಿಸರವನ್ನು ಸುಗಂಧಮಯವಾಗಿಸಿ ಅಂತೆಯೇ ಭಗವಂತನ ಅಡಿಗೆ ಬಿದ್ದು ತನ್ನ ಬದುಕನ್ನು ಸಾರ್ಥಕ ಮಾಡಿಕೊಳ್ಳುವಂತೆ ನಮ್ಮ ಬದುಕಿರಬೇಕು. ಅದಕ್ಕೆಂದೇ ಈ ಶರೀರ ಮತ್ತೆ ಭಾವನೆಗಳಿರುವುದು. ಭಾವ ಭಜಿಸುವುದಕ್ಕೆ , ಶರೀರ ಒಳಿತಗೈಯ್ಯುವುದಕ್ಕೆಂದೇ ಇರುವುದು. ಆದರೆ ಅದನ್ನು ಏನೇನಕ್ಕೋ ಅನರ್ಥಕ್ಕೆಲ್ಲಾ ಬಳಸುತ್ತೇವೆ. ಸೇವೆಗಾಗಿ ಶರೀರವನ್ನೂ ಭಜಿಸುವುದಕ್ಕಾಗಿ ಭಾವವನ್ನೂ ಬಳಸಿ ಧನ್ಯರಾಗಬೇಕು. ಬದುಕನ್ನು ಸಾರ್ಥಕಗೊಳಿಸಿಕೊಳ್ಳಬೇಕು.
ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
