ಸಂತಸವ ನೀಳ್ಪುದೇ ಸತ್ಕರ್ಮ ಕೇಳು ಮಿಗೆ
ಯಂತೆ ದುಃಖವನೀಯಲದುವೆ ದುಷ್ಕರ್ಮ
ಪಿಂತೆ ಸಂತರ ಪಥವನನುಭವಿಸು ಸಾಗು ನಡೆ
ಸಂತಸದ ಬೀಡು ಬಾಳ್ ಜಾಣಮೂರ್ಖ //
ಇತರರಿಗೆ ಸಂತೋಷವನ್ನೇ ನೀಡು. ಅದೇ ಸತ್ಕರ್ಮ. ದೇವನಿಗೆ ಬಲು ಇಷ್ಟವಾದ ಮಾರ್ಗ. ದುಃಖ ನೀಡಿದರೆ ಅದೇ ದುಷ್ಕರ್ಮ ! ಈ ಕರ್ಮವನ್ನು ಯಾರೂ ಬಯಸರು. ವಿಪರ್ಯಾಸವೆಂದರೆ ಎಲ್ಲರೂ ಇದೇ ಮಾರ್ಗವನ್ನು ಅನುಸರಿಸುತ್ತಿರುವುದು ! ಅಲ್ಲವೇ !? ಹಿಂದೆ ಈ ಭುವಿಯಲ್ಲಿ ಬದುಕಿದ ಸಾಧುಸಂತರು ಜಗತ್ತಿನ ಶಾಂತಿಗಾಗಿ ಬದುಕಿದ , ಅನುಸರಿಸಿದ ಮಾರ್ಗವನ್ನೇ ಅನುಭವಿಸಿ ಅನುಸರಿಸಬೇಕಯ್ಯ ಗೆಳೆಯ. ಆಗ ಬದುಕು ಸಂತಸದ ಬೀಡಾಗುತ್ತದೆ. ಈ ಬದುಕು ಸತ್ಯ ಸಾಕ್ಷಾತ್ಕಾರಕ್ಕೆ ದಾರಿ ಮಾಡಿಕೊಟ್ಟು , ಶಿವಾನುಭವವನ್ನು ನೀಡಿ ಬದುಕಿನ ಸೌಂದರ್ಯವನ್ನು ಕಂಡು ಅನುಭವಿಸಲು ದಾರಿ ಮಾಡಿಕೊಡುತ್ತದೆ. ಇದರಲ್ಲಿ ಸಂದೇಹವೇ ಇಲ್ಲ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
