ಮಲಿನಗೈಯ್ಯೊಳು ಮುಟ್ಟೆ ಮಲಿನವೈ ಜಗವೆಲ್ಲ
ಮಲಿನ ಮನದಿಂ ಮಲಿನ ಸುಂದರದ ಬದುಕು !
ಮಲಿನಾರ್ಜಿತವು ಮಲಿನಗೊಳಿಪುದೈ ಈ ಬಾಳ
ಮಲಿನ ಭಾವವ ತೊರೆಯೊ ಜಾಣಮೂರ್ಖ //
ಕೊಳೆಯಾದ ಕೈಯಿಂದ ಏನನ್ನು ಮುಟ್ಟಿದರೂ ಅದೂ ಕೊಳೆಯಾಗುತ್ತದೆ. ಹಾಗೆಯೇ ಮಲಿನವಾದ ಮನಸ್ಸಿನಿಂದ ಸುಂದರವಾದ ಬದುಕೂ ಸಹ ಮಲಿನವಾಗುತ್ತದೆ. ಹಾಗೇನೇ ನಮ್ಮ ಸಂಪಾದನೆ ! ಅನ್ಯಾಯದ ಸಂಪಾದನೆಯಾಗಬಾರದು. ಅಂತಹಾ ಸಂಪಾದನೆ ನಮ್ಮ ಬದುಕನ್ನೇ ಮಲಿನಗೊಳಿಸಿಬಿಡುತ್ತದೆ. ಆದ್ದರಿಂದ ಮಲಿನ ಮನೋಭಾವವನ್ನು ತೊರೆದರೆ ಸುಂದರ ಬದುಕನ್ನು ಕಟ್ಟಿಕೊಳ್ಳಬಹುದು. ಮಲಿನ ಭಾವವು ಒಂದು ರೀತಿಯ ಶಾಪವಿದ್ದಂತೆ ! ಇದರಿಂದ ಹೊರಬಂದು ಶಾಂತವಾಗಿ ಬದುಕಬೇಕು. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
