ಬಡವನಿಗೆ ಬಹ ನಿದಿರೆ ಸಿರಿವಂತಗೇಕಿಲ್ಲ !
ದುಡಿದ ದಣಿದವ ನಿಜದಿ ನಿದಿರೆ ದಣಿಯಯ್ಯ !
ಕಡವರದ ತಲ್ಪ ಕೊಳೆ ನಿದಿರೆ ಕೊಳಲಾಗುವುದೆ
ಸಡಗರದಿ ದುಡಿದು ಬಾಳ್ ಜಾಣಮೂರ್ಖ //
ಈಗ ನೀವೇ ನೋಡಿ. ಬಡವನೊಬ್ಬನಿಗೆ ತನ್ನ ಗುಡಿಸಲಿನಲ್ಲಿ ಬರುವ ನಿದ್ರೆಯು ಶ್ರೀಮಂತನಿಗೆ ತನ್ನ ಅರಮನೆಯಲ್ಲಿ ಬರುವುದಿಲ್ಲ. ಇವನು ಮೈಮುರಿದು ದುಡಿದಿರುತ್ತಾನೆ ! ದುಡಿವವನು ನಿದಿರೆಯ ದಣಿ ಎಂದರೆ ತಪ್ಪಾಗಲಾರದು. ಶ್ರೀಮಂತನು ಬಂಗಾರದ ತಲ್ಪ(ಮಂಚ)ವನ್ನೇ ಮಾಡಿಸಬಹುದು! ಆದರೆ ನಿದ್ರೆಯನ್ನು ಕೊಂಡು ತರಲಾದೀತೆ !? ನಿದಿರೆಯಿಲ್ಲದೆ ಬಳಲುವವನಿಗೆ ಶಾಂತಿಯೆಲ್ಲಿಯದು !? ದುಡಿದು ಕಣ್ತುಂಬ ನಿದ್ರಿಸುವವನು ನಿಜವಾಗಿ ನಿದಿರೆಯ ದಣಿ ! ಆದ್ದರಿಂದ ದುಡಿದು ಸಡಗರ ಸಂತೋಷದಿಂದ ಬದುಕಬೇಕು. ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
