ಶಿವದಿಟ್ಟು , ಕತೆಕೇಳ್ದು ಭವವ ಗೆಲದಿರ್ದೊಡದು
ಶವಕಿಕ್ಕಿದಾಭರಣದೊಲುವೆ ಮರೆಯದಿರು
ಕವಡುತನದಿಂ ಬ್ರಹ್ಮಬಾಳ ಹೊಲಗೆಡಿಸಿ ಬಲು
ಶಿವನಾಮ ಜಪಿಸಲೇಂ ಜಾಣಮೂರ್ಖ//
ಶಿವಪಂಚಾಕ್ಷರಿಯ ಬಿಡದೆ ಜಪಿಸುತ್ತಾ , ಶಿವದಿಡುತ್ತಾ , ಶಿವಕತೆಯ ಕೇಳುತ್ತಾ ಬದುಕಿನ ಮಾಯಾಪಾಶವನ್ನು ಗೆಲ್ಲದಿದ್ದರೆ ಅದು ಶವಕ್ಕೆ ಇಟ್ಟ ಆಭರಣದಂತೆ ! ಅದಕ್ಕೆ ಮಾಡಿದ ಅಲಂಕಾರದಂತೆ ಅಷ್ಟೆ ! ಈ ಬದುಕು ಸಾಮಾನ್ಯವಾದುದಲ್ಲ ! ಬ್ರಹ್ಮಬಾಳು ! ಭಗವಂತನು ನೀಡಿದ ದಿವ್ಯವಾದ , ಅಮೂಲ್ಯವಾದ ಉಡುಗೊರೆ ! ಇದನ್ನು ಕಾಮಕ್ರೋದಾದಿ ಅರಿಷಡ್ವರ್ಗಗಳಿಂದಲೂ , ಅಷ್ಟಮದಗಳಿಂದಲೂ , ಕೃತ್ರಿಮಗಳಿಂದಲೂ ಹೊಲಗೆಡಿಸಿದರೆ ನಷ್ಟ ಯಾರಿಗೆ ಹೇಳಿ ! ಮೇಲಿನ ಎಲ್ಲವನ್ನೂ ಮನದಲ್ಲಿ ತುಂಬಿಕೊಂಡು ಶಿವನಾಮ ಜಪಿಸಿದರೆ ಯಾವ ಫಲವೂ ಇಲ್ಲ ಕಣಯ್ಯ ಗೆಳೆಯ ! ಬರೀ ಬಾಹ್ಯದಲ್ಲಿ ವೈರಾಗ್ಯ ಮೂರ್ತಿಯಂತೆ ಕಂಡರಾಯ್ತೇನು ಅಂತರಂಗದ ಕತೆ ಹೇಗೆ ? ಬ್ರಹ್ಮಬಾಳಲ್ಲಿ ಬಹಿರಂಗ ಶುದ್ಧಿಯೂ ಬೇಕು, ಅಂತರಂಗ ಶುದ್ಧಿಯೂ ಬೇಕು. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
