ಋಜುಮಾರ್ಗ

ಹಸಿವೊಳಿಲ್ಲದ ಮೇಲೆ ಮೃಷ್ಟಾನ್ನವೇಕೆ ಬಲು
ಉಸಿರ ಬಸಿವಾಗಿರದ ವ್ಯರ್ಥಾರ್ಥವೇಕೆ!
ಕಸುವಿರದ ಮಾತೇಕೆ ? ಹುಸಿವ ಬಂಧವದೇಕೆ ?
ಪಿಸುಣತನವೇಕೆ ಬಿಡು ಜಾಣಮೂರ್ಖ //

ನಮ್ಮ ಜೀವನದಲ್ಲಿ ವ್ಯರ್ಥವಾದವುಗಳ ಬಗ್ಗೆ ತಲೆ ಕೆಡಿಸಿಕೊಳ್ಳುವುದನ್ನು ಬಿಡುವುದೇ ಒಳಿತು. ಈಗ ನೀವೇ ನೋಡಿ. ನಮಗೆ ತಡೆಯಲಾರದಷ್ಟು ತುಂಬಾ ಹಸಿವಾಗಿದೆ ಎಂದಿಟ್ಟುಕೊಳ್ಳೋಣ ! ಅಂತಹಾ ವೇಳೆಯಲ್ಲಿ ಮೃಷ್ಟಾನ್ನದ ಚಿಂತೆಯೇ !? ನಮಗೆ ಹಣ ಬೇಕು. ಉಸಿರು ಬಸಿದು ದುಡಿಯುತ್ತಿದ್ದೇವೆ ! ಆಗ ಸಿಗದ ಹಣ ಬೇಡವಾದಾಗ ಅಥವಾ ನಮ್ಮ ಬಳಿ ಸಾಕಷ್ಟು ಹಣವಿರುವಾಗ ಸಿಕ್ಕರೆ ಏನು ಪ್ರಯೋಜನ ಹೇಳಿ !? ಅಲ್ಲವೇ ? ಹಾಗೆಯೇ ಮಾತಿನಲ್ಲಿ ತೂಕವಿರಬೇಕು. ಎಂದೂ ತೂಕ ತಪ್ಪಬಾರದು. ಕೆಲಸಕ್ಕೆ ಬಾರದ ಮಾತಿನಿಂದ ಯಾವ ಪ್ರಯೋಜನವೂ ಇಲ್ಲ. ಜೀವಕ್ಕೆ ಜೀವ ಕೊಡುವ ಬಂಧನವಿದ್ದು ಬರೀ ಸುಳ್ಳು ಹೇಳಿದರೆ ಅಥವಾ ಮುಖವಾಡ ಹಾಕಿ ಬದುಕಿದರೆ ಪ್ರಯೋಜನವೇನು !? ಬಂಧನವು ಉಳಿವುದೇನು ? ಅನಗತ್ಯವಾದ ವಿನಯವಾದರೂ ಏಕೆ ? ವಿನವಿರಬೇಕೇನೋ ನಿಜ. ಆದರೆ ಅತಿವಿನಯವಿರುವು ಅಸಹ್ಯ ತರುತ್ತದೆ. ಋಜುತ್ವ , ನೇರನಡೆ ಸತ್ಯ, ವಸ್ತುನಿಷ್ಠತೆ ಬದುಕಿನಲ್ಲಿ ಇದ್ದಾಗ ಅತಿವಿನಯವಾದರೂ ಏಕೆ !? ವಿದ್ಯಾದದಾತಿ ವಿನಯಂ ಎಬ ಮಾತು ಎಷ್ಟು ಸತ್ಯವೋ ಅತಿವಿನಯಂ ದೂರ್ತ ಲಕ್ಷಣಂ ಎಂಬ ಮಾತೂ ಸಹ ಅಕ್ಷರಶಃ ಸತ್ಯವೆ. ಅಲ್ಲವೇ ಗೆಳೆಯರೇ !?

Author
Recent Posts

ಶ್ರೀ ಮುರಳೀಧರ ಹೆಚ್ ಆರ್

ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.

Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)