ಕನ್ನಡಿಯ ಬಿಂಬವನು ಕಂಡು ಸಂತಸಗೊಂಡು
ತನ್ನದದುಮೆಂದು ಬಲು ಮೋದಗೊಳ್ಳುವುದೆ!?
ನಿನ್ನ ಬಿಂಬವ ಕಾಣು ಜಗದ ಕನ್ನಡಿಯೊಳಗೆ
ನಿನ್ನ ಬದುಕಿನ ಬಿಂಬ ಜಾಣಮೂರ್ಖ //
ಕನ್ನಡಿಯ ಮುಂದೆ ನಿಂತು ಅದರಲ್ಲಿ ಮೂಡುವ ನಮ್ಮ ಪ್ರತಿಬಿಂಬವನ್ನು ಕಂಡು ನಾವೆಷ್ಟು ಸಂತಸಪಡುತ್ತೇವೆ !? ಅದು ತನ್ನದೆಂಬ ಭ್ರಮೆಯಲ್ಲಿ ಬಲು ಸಂತಸಗೊಳ್ಳುತ್ತೇವೆ. ಮಿಥ್ಯವಾದುದಕ್ಕೇ ಇಷ್ಟೊಂದು ಸಂತಸಗೊಂಡ ನಾವು ಇನ್ನು ಸತ್ಯ ತಿಳಿದರೆ ಏನಾಗಬಹುದು! ಅಲ್ಲವೇ ? ಅದಕ್ಕೆ ಆ ದಿವ್ಯ ಸತ್ಯವನ್ನು ಕಾಣೊದಕ್ಕೆ ಜಗತ್ತೆಂಬ ಕನ್ನಡಿಯನ್ನು ನೋಡಯ್ಯ ಗೆಳೆಯ ! ಅದು ನಿನ್ನ ಬಿಂಬವಲ್ಲ ! ನಿನ್ನ ಬದುಕಿನ ಬಿಂಬ ! ನಿನ್ನವರ ಬದುಕಿನ ಬಿಂಬ ! ಎತ್ತ ಕಡೆಯಾದರೂ ನೋಡು , ಅಖಂಡ ಸತ್ಯದ ಸಾಕ್ಷಾತ್ಕಾರ ! ಏನು ವ್ಯತ್ಯಾಸವಿದೆ ಅವರ ಬಿಂಬಕ್ಕೂ , ನಿನ್ನ ಬಿಂಬಕ್ಕೂ ! ಈಗ ಸರಿಯಾಗಿ ನೋಡಿ ಆಲೋಚಿಸಿ ಹೇಳಯ್ಯ ಗೆಳೆಯಾ !? ನೈಜ ಸತ್ಯದ ಅನಾವರಣ. ಈಗಲೂ ವ್ಯಾಕುಲಗೊಂಡು ದುಃಖದಲ್ಲೇ ಬಿದ್ದರೆ ಅದಕ್ಕೆ ಹೊಣೆಯಾರು ?! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
